नाशिक (इंडिया दर्पण वृत्तसेवा)– जत्रा हॉटेल ते नाशिकरोड मार्गावरील समृध्दी लॉन्स भागात भरधाव दुचाकीस कुत्रे आडवे गेल्याने झालेल्या अपघातात २६ वर्षीय तरूण ठार झाला. जखमी तरूणावर उपचार सुरू होते. याप्रकरणी आडगाव पोलीस ठाण्यात मत्यूची नोंद करण्यात आली आहे.
नितीन बन्सीलाल ताडगे (रा.जेऊर वखारी ता.मालेगाव) असे मृत युवकाचे नाव आहे. ताडगे गेल्या गुरूवारी (दि.१०) सायंकाळच्या सुमारास जत्रा हॉटेलकडून नाशिकरोडच्या दिशेने आपल्या दुचाकीवर एमएच ४१ बीपी ९६५८ प्रवास करीत असतांना हा अपघात झाला होता. समृध्दी लॉन्स परिसरात भरधाव दुचाकीस कुत्रे आडवे गेल्याने ताडगे पडले होते.
या घटनेत त्याच्या डोक्यास व मनगटास दुखापत झाल्याने त्याच्यावर उपचार सुरू होते. उपचारादरम्यान त्याचा मृत्यू झाला. याबाबत बन्सीलाल ताडगे यांनी दिलेल्या खबरीवरून पोलीस दप्तरी मृत्यूची नोंद करण्यात आली असून अधिक तपास हवालदार देसाई करीत आहेत.
