नाशिक (इंडिया दर्पण वृत्तसेवा) – विधानसभा निवडणुक काळात नाकाबंदी सुरु असून ठिकठिकाणी तपासणी केली जात आहे. आचारसंहिता काळात पैशांचे आमिष दाखवणा-यावरही कारवाई केली जात आहे. नाशिकमध्ये परिमंडळ दोन मधील उपनगर व सातपूर येथे पोलिसांनी सुमारे ३१ लाख रुपयांची रोकड जप्त केली आहे.
नाशिकच्या सातपूर पोलिस हद्दीत पिंपळगाव बहुला येथे नाकाबंदी दरम्यान २० लाख ५० हजार सापडले. ही रक्कम बंद कारमध्ये मिळाली. पोलिसांनी ताब्यात घेतले आहे. तर दुस-या घटनेत उपनगर परिसरातील घर झडतीत ११ लाख रुपये सापडले. नाशिकच्या उपनगर परिसरात असलेल्या भालेराव मळा परिसरातील झोपडपट्टीत पैसे सापडले. या घटनेत २१ वर्षीय तरुणाला ताब्यात घेण्यात आले आहे.
