नाशिक (इंडिया दर्पण वृत्तसेवा) – शहरात वेगवेगळया भागात पार्क केलेल्या तीन दुचाकी चोरट्यांनी चोरून नेल्या. याबाबत पंचवटी,गंगापूर व अंबड पोलीस ठाण्यात चोरीचे गुन्हे दाखल करण्यात आले आहेत.
माळेगाव ता.त्र्यंबकेश्वर येथील विष्णू तुकाराम मुर्तडक हे बुधवारी (दि.२३) पंचवटी मार्केट भागात आले होते. सुनिलकुमार ठक्कर यांच्या दुकानासमोर लावलेली त्यांची स्प्लेंडर एमएच १५ जीजी ५१२६ चोरून नेली. याबाबत पंचवटी पोलीस ठाण्यात गुह्याची नोंद करण्यात आली असून अधिक तपास हवालदार काळे करीत आहेत. दुसरी चोरी ध्रुवनगर भागात झाली. तुषार रमेश विसपुते (रा. कलानगर, इंदिरानगर) हे गेल्या रविवारी (दि.१३) ध्रुवनगर भागात गेले होते. विकीज बार समोर पार्क केलेली त्यांची स्प्लेंडर एमएच ४१ एचजी ६००७ चोरट्यांनी पळवून नेली. याबाबत गंगापूर पोलीस ठाण्यात गुन्हा दाखल करण्यात आला असून अधिक तपास हवालदार हिंडे करीत आहेत.
तिसरी घटना अंबड औद्योगीक वसाहतीतील कारगिल चौक भागात घडली. सुरज प्रेमानंद खंडारे (रा.कारगिलचौक,दत्तनगर) यानी फिर्याद दिली आहे. खंडारे यांची यामाहा एमएच १५ एचएन ०९०५ गेल्या मंगळवारी (दि.२२) रात्री त्यांच्या साईश्रध्दा अपार्टमेंटच्या पार्किंगमध्ये लावलेली असतांना ती चोरट्यांनी पळवून नेली. याबाबत अंबड पोलीस ठाण्यात चोरीचा गुन्हा दाखल करण्यात आला असून अधिक तपास हवालदार चव्हाण करीत आहेत.
