नाशिक (इंडिया दर्पण वृत्तसेवा)- शहरात वेगवेगळया भागातून चोरट्यांनी तीन मोटारसायकली चोरून नेल्या. याप्रकरणी पंचवटी,देवळाली कॅम्प व उपनगर पोलीस ठाण्यात गुन्ह्यांची नोंद करण्यात आली असून पोलीसांनी चोरट्यांचा बंदोबस्त करावा अशी मागणी जोर धरू लागली आहे.
नांदूरनाका भागातील पवन बाजीराव पवार हे गुरूवारी (दि.१७) सकाळी पेठफाटा भागात गेले होते. पाटील ब्रदर्स नावाच्या औषध दुकानासमोर लावलेली त्यांची स्प्लेंडर एमएच १५ जीडी ७१४३ चोरट्यांनी चोरून नेली. याप्रकरणी पंचवटी पोलीस ठाण्यात गुन्हा दाखल करण्यात आला असून अधिक तपास हवालदार नाईक करीत आहेत.
दुसरी घटना देवळाली कॅम्प येथील बनाचाळ भागात घडली. रूबीन हेराल्ड डेविड (रा.जयक्रिष्णा अपा.रेस्ट कॅम्परोड) यांनी याबाबत फिर्याद दिली आहे.डेविड यांची एमएच १५ बीपी ६०२५ मोटारसायकल गेल्या रविवारी (दि.६) रात्री बनाचाळ भागात पार्क केलेली असतांना ती चोरट्यांनी पळवून नेली. याबाबत देवळाली कॅम्प पोलीस ठाण्यात गुन्हा दाखल करण्यात आला असून अधिक तपास जमादार तुपे करीत आहेत.
तर भुषण सुभाष भदाणे (रा.गुरूप्रसाद अपा.नवदुर्गा कॉलनी आगरटाकळी रोड) यांची पल्सर एमएच १५ जीयू ९३९९ मंगळवारी (दि.१५) रात्री त्यांच्या सोसायटीच्या पार्किंगमध्ये लावलेली असतांना ती चोरट्यांनी चोरून नेली. याप्रकरणी उपनगर पोलीस ठाण्यात गुह्याची नोंद करण्यात आली असून अधिक तपास जमादार बकाल करीत आहेत.
