नाशिक (इंडिया दर्पण वृत्तसेवा)- टेबलावर उभी राहून घरात रंगकाम करणा-या एकाने लोटून देत जखमी केल्याची घटना गणेशवाडीत घडली. या घटनेत अनोळखी संशयिताने प्लेव्हर ब्लॉक डोक्यात टाकल्याचा आरोप फिर्यादीत करण्यात आला असून, याप्रकरणी पंचवटी पोलीस ठाण्यात गुन्हा दाखल करण्यात आला आहे.
रूपाली चदू फेफाळे (२० रा. एखंडेचाळ,सहजिवनगर,गणेशवाडी) या महिलेने याबाबत फिर्याद दिली आहे. फेफाळे या गुरूवारी (दि.१७) दुपारच्या सुमारास आपल्या राहत्या घरात लोखंडी टेबलावर उभ्या राहून रंगकाम करीत असतांना ही घटना घडली.
महिलेच्या घरासमोरील चाळीत राहणा-या अज्ञाताने उघड्या घरात शिरून महिलेचा पाय ओढून घेतला. या घटनेत महिला जमिनीवर कोसळल्याने संशयिताने दरवाजा पाठीमागे लावलेला प्लेव्हर ब्लॉकचा दगड उचलून महिलेच्या डोक्यात टाकला. अचानक झालेल्या या घटनेत महिला जखमी झाली असून अधिक तपास हवालदार नाईक करीत आहेत.
गोदाघाटवर मारहाण करुन दोघांना लुटले
नाशिक (इंडिया दर्पण वृत्तसेवा)- बांबूची टोपली खरेदी करण्यासाठी गेलेल्या एकास मारहाण करीत दोघांनी लुटल्याची घटना गोदाघाटावर घडली. या घटनेत भामट्यांनी मोबाईल पळविला असून याप्रकरणी पंचवटी पोलीस ठाण्यात जबरीचोरीचा गुन्हा दाखल करण्यात आला आहे.
प्रमोद बाबुराव कोल्हे (रा.एकतानगर,बोरगड) यांनी फिर्याद दिली आहे. कोल्हे बुधवारी (दि.१९) दुपारच्या सुमारास गोदाघाटावरील आठवडे बाजारात गेले होते. बांबुच्या कामट्यांची टोपली खरेदी करून ते परिसरात पार्क केलेली दुचाकी काढत असतांना ही घटना घडली. दुचाकीवर बसत असतांना एका तरूणाने त्यांच्या जवळ येवून शर्टच्या खिशात ठेवलेला मोबाईल काढून घेतला.
त्यामुळे त्यांनी त्याचा पाठलाग करण्याचा प्रयत्न केला असता दुस-याने पाठीमागून त्यांच्यावर लोखंडी पहारेने हल्ला केला. हा प्रकार फुलबाजाराकडे जाणाºया मार्गावर घडला असून या घटनेत कोल्हे जखमी झाल्याने जमिनीवर पडले असता दोघांनी त्यांना लाथाबुक्यांनी मारहाण करीत मोबाईल घेवून पोबारा केला. अधिक तपास उपनिरीक्षक गायकवाड करीत आहेत.
