नाशिक (इंडिया दर्पण वृत्तसेवा)- धारदार तलवारीचा धाक दाखवत दहशत माजविणा-या एकास पोलीसांनी बेड्या ठोकल्या. एकलहरा येथील पहाडीबाबा झोपडपट्टीत शहर गुन्हे शाखेच्या युनिट २ च्या पथकाने ही कारवाई केली. संशयिताच्या ताब्यातील लोखंडी तलवार हस्तगत करण्यात आली असून त्यास नाशिकरोड पोलीसांच्या स्वाधिन करण्यात आले आहे.
गौरव भिकन गडवे (२२ रा. पहाडीबाबा झोपडपट्टी,पंचशिलनगर,एकलहरा ) असे अटक करण्यात आलेल्या संशयिताचे नाव आहे. पहाडीबाबा झोपडट्टी भागात एक जण तलवारीचा धाक दाखवून परिसरात दहशत माजवित असल्याची माहिती पोलीसांना मिळाली होती. त्यानुसार बुधवारी (दि.१६) पथकाने धाव घेत संशिताच्या मुसक्या आवळल्या. संशयिताच्या ताब्यात लोखंडी तलावर हस्तगत करण्यात आली आहे. याबाबत जमादार बाळू शेळके यांनी दिलेल्या फिर्यादीवरून पोलीस दप्तरी गुन्हा दाखल करण्यात आला आहे.
अधिक तपास हवालदार सानप करीत आहेत. ही कारवाई युनिटचे वरिष्ठ निरीक्षक विद्यासागर श्रीमनवार यांच्या मार्गदर्शनाखाली जमादार शंकर काळे, बाळू शळके,राजेंद्र घुमरे,विलास गांगुर्डे हवालदार प्रकाश भालेराव,नंदकुमार नांदुर्डीकर,सुनिल आहेर,प्रकाश महाजन,वाल्मिक चव्हाण,अंमलदार प्रविण वानखेडे आदींच्या पथकाने केली.
