नाशिक (इंडिया दर्पण वृत्तसेवा)– जेलरोड परिसरातील मॉडेल कॉलनी भागात भरधाव दुचाकीने दिलेल्या धडकेत जखमी ८२ वर्षीय वृध्दाचा मृत्यू झाला. याप्रकरणी नाशिकरोड पोलीस ठाण्यात अपघाताचा गुन्हा दाखल करण्यात आला आहे.
काशिनाथ नरसिंगराव रावबच्छे (८२ रा.प्रगती हेरिटेज शिवशक्तीनगर,जेलरोड) असे मृत वृध्दाचे नाव आहे. रावबच्छे गेल्या २५ सप्टेंबर रोजी सकाळच्या सुमारास फेरफटका मारण्यासाठी घराबाहेर पडले असता ही घटना घडली. मॉडेल कॉलनी येथील देशमुख भवन समोर ते रस्ता ओलांडत असतांना जेलरोड येथील पाण्याच्या टाकी भागातून येणा-या अज्ञात दुचाकीने त्यांना धडक दिली होती. या अपघातात ते गंभीर जखमी झाले होते.
उपचारा दरम्यान त्यांचा मृत्यू झाला. याबाबत किरण रावबच्छे यांनी दिलेल्या फिर्यादीवरून अनोळखी दुचाकीस्वारा विरोधात पोलीस दप्तरी अपघाताची नोंद करण्यात आली असून अधिक तपास उपनिरीक्षक अहिरे करीत आहेत.
