नाशिक (इंडिया दर्पण वृत्तसेवा)– फुलेनगर भागात तू येथे का आलास अशी विचारणा करीत दोघांनी मित्रास भेटण्यासाठी गेलेल्या तरूणास बेदम मारहाण केली. या घटनेत हॉकी स्टीक डोक्यात मारण्यात आल्याने तरूण गंभीर जखमी झाला असून, याप्रकरणी पंचवटी पोलीस ठाण्यात गुन्हा दाखल करण्यात आला आहे.
नितीन खलसे आणि त्याचा जोडीदार अशी गुन्हा दाखल करण्यात आलेल्या संशयितांची नावे आहेत. याबाबत शांतीदुत हरिश्चंद्र लोखंडे (२७ रा.एस.टी.वर्कशॉप समोर,यशोदानगर पेठरोड) या युवकाने फिर्याद दिली आहे. लोखडे रविवारी (दि.१३) रात्री सुरज सुभाष दमकोंडे याच्या समवेत मित्र जितेश तुपलोंढे यास भेटण्यासाठी वैशालीनगर भागात गेला होता. तिघे मित्र पगारे यांच्या पानस्टॉल जवळ गप्पा मारत उभे असतांना दोघा संशयितांनी त्यांना गाठले.
यावेळी लोखंडे यांना तू येथे का आला असा जाब विचारत दोघा संशयितांनी त्यास शिवीगाळ करीत बेदम मारहाण केली. यावेळी खलसे याने त्याच्या मित्राच्या हातातील हॉकी स्टीक घेवून लोखंडे यांच्या डोक्यात मारल्याने तो जखमी झाला असून अधिक तपास हवालदार सानप करीत आहेत.
