नाशिक (इंडिया दर्पण वृत्तसेवा)- पत्नीच्या नावे असलेले घर पतीने परस्पर गहाणखत केल्याचा प्रकार समोर आला आहे. पतीने अडिच लाख घेवून महिलेस घर गहाण दिल्याने पत्नीने पोलीसात धाव घेतली असून याप्रकरणी म्हसरूळ पोलीस ठाण्यात पतीसह घर गहाण ठेवणा-या महिलेविरोधात फसवणुकीचा गुन्हा दाखल करण्यात आला आहे.
पोलीसांनी दिलेल्या माहितीनुसार गायत्री तुषार सानप व नंदकुमार पुंडलिक लहाणे अशी गुन्हा दाखल करण्यात आलेल्या संशयितांची नावे आहेत. याबाबत आशालता कचरू धात्रक (रा.रेशिमबंध मंगल कार्यालयामागे,हिरावाडी) यांनी याबाबत फिर्याद दिली आहे. धात्रक यांच्या नावे चामरलेणी भागात रो हाऊस आहे. सर्व्हे नं. ३७६ – २ येथील वैभव श्री रो हाऊस पती नंदकुमार लहाणे यांनी गायत्री सानप या महिलेस गहाणखत करून दिल्याचा प्रकार समोर आला आहे. शनिवारी (दि.५) धात्रक या चामरलेणी भागात फेरफटका मारण्यासाठी गेल्या असता हा प्रकार समोर आला आहे.
वास्तव्यास असलेल्या सदर महिलेच्या चौकशीत संशयित पती लहाणे याने परस्पर अडिच लाख रूपयांची रोकड नोटरी करून दिल्याचा धक्कादायक प्रकार पुढे आल्याने धात्रक यांनी पोलीसात धाव घेतली असून अधिक तपास उपनिरीक्षक गावीत करीत आहेत.
