नाशिक (इंडिया दर्पण वृत्तसेवा) – मॉलमधून चोरट्यांनी कॅमेरा हातोहात लांबविल्याची घटना सिटीसेंटर मॉल येथे घडली. रिलायन्सच्या डिजीटल शॉपमध्ये हा प्रकार घडला असून त्यात ७३ हजार रूपये किमतीचा निकॉन कंपनीचा कॅमेरा भामट्यांनी चोरून नेला आहे. याबाबत गंगापूर पोलीस ठाण्यात चोरीचा गुन्हा दाखल करण्यात आला आहे.
अक्षय गोपाल सोनवणे (रा.लाटेनगर हिरावाडी) यांनी याबाबत फिर्याद दिली आहे. सोनवणे सिटी सेंटर मॉलमधील रिलायन्स डिजीटल शॉपचे काम बघतात. बुधवारी (दि.९) रात्रीच्या सुमारास ही घटना घडली. अज्ञात चोरट्यांनी कर्मचा-यांचे लक्ष नसल्याची संधी साधत काऊंटरवर सेफ्टी स्टॅण्डवर विक्रीसाठी लावलेला ७२ हजार ९९९ रूपये किमतीचा कॅमेरा चोरून नेला. अधिक तपास हवालदार महाले करीत आहेत.
