नाशिक (इंडिया दर्पण वृत्तसेवा)– तिवंधा चौकात कुठलेही कारण नसतांना चार जणांच्या टोळक्याने एका तरूणावर प्राणघातक हल्ला केल्याची घटना घडली. या घटनेत हॉकी स्टीकने मारहाण करीत तरूणावर कोयत्याने वार करण्यात आल्याने युवक जखमी झाला असून याप्रकरणी भद्रकाली पोलीस ठाण्यात गुन्हा दाखल करण्यात आला आहे.
तुषार काळे,बन्या उर्फ रोशन दिघे,संतोष रांगडे व रोषणचा चुलत भाऊ अशी युवकावर हल्ला करणा-या संशयितांची नावे आहेत. याबाबत वैभव प्रभाकर दाते (३१ रा.रेणूका रेसि.शिवकृपा नगर,हिरावाडी) या युवकाने फिर्याद दिली आहे. दाते रविवारी (दि.८) तिवंधा चौक परिसरात गेला होता.
बुधा हलवाई दुकनासमोरून तो पायी जात असतांना टोळक्याने त्याची वाट अडवित कुठलेही कारण नसतांना त्यास शिवीगाळ करीत लाथाबुक्यांनी माराहाण केली. यावेळी बन्या दिघे याने हॉकीस्टीकने तर तुषार काळे याने कोयत्याने वार केल्याने तो गंभीर जखमी झाला असून अधिक तपास उपनिरीक्षक शिंदे करीत आहेत.
