नाशिक (इंडिया दर्पण वृत्तसेवा)- भरधाव दुचाकीवरून पडल्याने ५० वर्षीय महिलेचा मृत्यू झाला. ही घटना महामार्गावरील जत्रा हॉटेल भागात घडली. पावसाळी खड्यांमुळे ही घटना घडल्याचे बोलले जात असून, याप्रकरणी आडगाव पोलीस ठाण्यात मृत्यूची नोंद करण्यात आली आहे.
सविता संजू शिरसाठ (रा रॉयल रेसि.डी मार्ट मागे,आडगाव) असे मृत महिलेचे नाव आहे. शिरसाठ या गेल्या गुरूवारी (दि.३) मुलाची दुचाकीवर डबलसिट महामार्गाने प्रवास करीत असतांना ही घटना घडली होती. डिमार्ट कडून सिबीएसच्या दिशने दुचाकीवर मायलेक जात असतांना जत्रा हॉटेल भागात खड्यात गाडी आदळल्याने त्या दुचाकीवरून पडल्या होत्या.
या घटनेत त्यांना डोक्यास मार लागून नाका कानातून रक्त आले होते. कुटूंबियांनी त्यांना तात्काळ नजीकच्या लोकमान्य हॉस्पिटल येथे दाखल केले असता उपचार सुरू असतांना रविवारी (दि.५) डॉ. ओमकार गवळी यांनी त्याना तपासून मृत घोषीत केले. अधिक तपास हवालदार बनकर करीत आहेत.
