नाशिक (इंडिया दर्पण वृत्तसेवा)- जेलरोड भागात भरदिवसा झालेल्या घरफोडीत चोरट्यांनी सुमारे ४७ हजाराच्या ऐवजावर डल्ला मारला. त्यात ३० हजाराच्या रोकडसह सोन्याचांदीच्या दागिण्यांचा समावेश आहे. याप्रकरणी उपनगर पोलीस ठाण्यात गुन्हा दाखल करण्यात आला आहे.
हिमांशू मिलींद करकरे (रा.एमएचईबी कॉलनी जेलरोड) यांनी याबाबत फिर्याद दिली आहे. करकरे कुटुंबिय शुक्रवारी (दि.१२) दुपारी घराबाहेर पडले असता ही घटना घडली. अज्ञात चोरट्यांनी त्यांच्या बंद घराच्या खिडकीचे ग्रील तोडून बेडरूममधील कपाटात ठेवलेली तीस हजाराची रोकड व सोन्याचांदीचे दागिणे असा सुमारे ४६ हजार ५०० रूपयांचा ऐवज चोरून नेला.
ही घटना परिसरातील सीसीटिव्ही यंत्रणेत कैद झाली असून, दोन चोरट्यांनी घरात शिरून चोर केल्याचा प्रकार प्रथमदर्शनी समोर आला आहे. अधिक तपास हवालदार हिवाळे करीत आहेत.
