कारच्या धडकेत वृद्ध ठार
नाशिक (इंडिया दर्पण वृत्तसेवा) – भरधाव कारने दिलेल्या धडकेत ७६ वर्षीय पादचारी वृध्द ठार झाले. हा अपघात नाशिक पुणे मार्गावरील पळसेगावाजवळ झाला. याप्रकरणी नाशिकरोड पोलिस ठाण्यात कारचालकाविरूध्द गुन्हा दाखल करण्यात आला आहे.
दगडू आप्पा वाघमारे (रा.नवीन पाण्याच्या टाकीजवळ,पळसे) असे मृत वृध्दाचे नाव आहे. वाघमारे गेल्या मंगळवारी (दि.१५) दुपारच्या सुमारास पुणे मार्गावरील पळसे गावातील जगदंबा फर्निचर दुकानाच्या सुमोरून पायी जात असतांना हा अपघात झाला. सिन्नर कडून नाशिकच्या दिशेने भरधाव येणाºया स्विफ्ट कारने एमएच ०५ एबी ५७३८ त्यांना जोरदार धडक दिली. या अपघातात ते गंभीर जखमी झाले होते. त्यात त्यांचा मृत्यू झाला. मुलगा रामेश्वर वाघमारे यांनी दिलेल्या तक्रारीवरून कारचालकाविरूध्द गुन्हा दाखल करण्यात आला असून अधिक तपास उपनिरीक्षक शिंदे करीत आहेत.
युवकाची गळफास घेऊन आत्महत्या
नाशिक (इंडिया दर्पण वृत्तसेवा) – पळसे ता.जि.नाशिक येथील २० वर्षीय युवकाने गळफास लावून घेत आत्महत्या केली. सदर तरूणाच्या आत्महत्येचे कारण समजू शकले नाही. याप्रकरणी नाशिकरोड पोलिस ठाण्यात मृत्यूची नोद करण्यात आली आहे. गौरव शशिकांत वारूळकर (रा.चौधरी बिल्डर्स जवळ,पळसे) असे मृत तरूणाचे नाव आहे. वारूळकर याने शुक्रवारी (दि.१८) अज्ञात कारणातून आपल्या राहत्या घराच्या पाठीमागील बाथरूम जवळील पॅसेज मध्ये लोखंडी ग्रिलला ओढणी बांधून गळफास लावून घेतला होता. त्यात त्याचा मृत्यू झाला. याबाबत रूपेश वारूळकर यांनी दिलेल्या खबरीवरून मृत्यूची नोंद करण्यात आली असून अधिक तपास पोलिस नाईक पवार करीत आहेत.
Nashik Crime Death Accident Suicide Palase Village
