नाशिक (इंडिया दर्पण वृत्तसेवा) – शहर परिसरात वाहनचोरीचे सत्र सुरूच असून वेगवेगळया भागातून तीन दुचाकी नुकत्याच चोरीस गेल्या. याप्रकरणी गंगापूर इंदिरानगर व उपनगर पोलीस ठाण्यात गुन्हे दाखल करण्यात आले आहेत.
उंटवाडीतील कृष्णा साकाराम जोगारे (रा.एरिकेशन मागे क्रांतीनगर) यांची एमएच १५ जेजी ५६४० मोटारसायकल शनिवारी (दि.१०) दुपारच्या सुमारास सिटीसेंटर मॉल पाठीमागील गेट क्र.३ परिसरात पार्क केलेली असतांना ती चोरट्यांनी चोरून नेली. याबाबत गंगापूर पोलीस ठाण्यात गुन्हा दाखल करण्यात आला असून अधिक तपास हवालदार मोरे करीत आहेत. दुसरी घटना राणेनगर येथे घडली. गणेश दिनकर बोडके (रा.रोहन परिसर अपा.राणेनगर) यांनी याबाबत फिर्याद दिली आहे. बोडके यांची पल्सर (एमएच ०१ सीएस १५११) गेल्या २२ जून रोजी रात्री त्यांच्या सोसायटीच्या पार्किंगमध्ये लावलेली असतांना ती चोरट्यांनी पळवून नेली. याबाबत इंदिरानगर पोलीस ठाण्यात गुह्याची नोंद करण्यात आली असून अधिक तपास हवालदार देवरे करीत आहेत.
तिसरी घटना नाशिकरोड येथील मुक्तीधाम भागात घडली. निलेश वसंत ताजणे (रा.लक्ष्मीनगर,अमृतधाम) यांनी याबाबत फिर्याद दिली आहे. ताजणे गेल्या ९ जून रोजी नाशिकरोड येथे गेले होते. मुक्तीधाम भागात लावलेली त्यांची एमएच १५ डीपी ६९८६ मोटारसायकल चोरट्यांनी चोरून नेली. याबाबत उपनगर पोलीस ठाण्यात गुन्हा दाखल करण्यात आला असून अधिक तपास उपनिरीक्षक कोकाटे करीत आहेत.
