नाशिक (इंडिया दर्पण वृत्तसेवा)- पत्नीसह नातेवाईकांना एकास तब्बल ३१ लाखास गंडा घातल्याचा प्रकार समोर आला आहे. सासरकडील मंडळीने हात उसनवार पेसे घेवून तर पत्नीने घरातील पैश्यांसह सोन्याचांदीचे दागिण्यांवर डल्ला मारत आपल्या पतीची फसवणुक केली असून, याप्रकरणी गंगापूर पोलीस ठाण्यात सहा जणांविरोधात गुन्हा दाखल करण्यात आला आहे.
पोलीसांनी दिलेल्या माहितीनुसार निधी ग्रोवर, जतिन वर्मा, हितेश बत्रा, कोमल वर्मा, अशोक बत्रा व उज्वल लोहिया अशी गुन्हा दाखल करण्यात आलेल्या संशयितांची नावे आहेत. याबाबत रोहित लक्ष्मण ग्रोवर (रा.रामेश्वरनगर,पाईप लाईन रोड, आनंदवली) यांनी फिर्याद दिली आहे. फिर्यादीत म्हटले आहे की, गेल्या वर्षी एप्रिल ते डिसेंबर दरम्यान हा प्रकार घडला.
पत्नी निधी ग्रोवर हिने तिचे दाजी जतिन वर्मा हितेश बत्रा व बहिण कोमल वर्मा यांना पैसे लागत असल्याचे सांगून पतीकडून १ लाख १७ हजार ९२१ रूपये हातउसनवार घेतले. तसेच निधीचे वडिल अशोक बत्रा यांनीही ग्रोवर यांच्या वडिलांकडून दोन लाख रूपये उसनवार घेतले होते. तसेच तिचे दाजी उज्वल लोहिया यांनीही पाच लाख रूपये हात उसनवार घेतले होते.
आठ महिने उलटूनही संबधीतांनी पैसे परत केले नाही. तसेच पत्नी घरातून खोटे बोलून निघून गेली असून तिने जातांना कपाटातील २ लाख ७० हजाराची रोकड व सुमारे २० लाख रूपयांच्या दागिण्यांवर डल्ला मारला आहे. अधिक तपास निरीक्षक राजपूत करीत आहेत.
