नाशिक (इंडिया दर्पण वृत्तसेवा)- कपडे धुण्यास उशीर लावल्याच्या कारणातून पोटच्या अल्पवयीन मुलीस मारहाण करीत पित्यानेच विनयभंग केल्याचा प्रकार सिडकोत घडला. या घटनेची गंभीर दखल घेत पोलीसांनी नराधम पित्यास अटक केली असून याप्रकरणी अंबड पोलीस ठाण्यात विनयभंगासह पोस्को कायद्यान्वये गुन्हा दाखल करण्यात आला आहे.
पोलीसांनी दिलेल्या माहितीनुसार सिडकोतील अल्पवयीन मुलगी रविवारी (दि.२५) दुपारच्या सुमारास राहत्या घरात कपडे धुवत असतांना ही घटना घडली. पीडितेच्या वडिलांनी कपडे धुण्यास उशीर केल्याने तिला शिवीगाळ करीत मारहाण केली.
यावेळी संशयिताने जिवे ठार मारण्याची धमकी देत शरिर सुखाची मागणी करून तिचा विनयभंग केला. मुलीने या घटनेची वाच्यता केल्याने ही बाब पोलीसात पोहचली असून पोलीसांनी तात्काळ संशयितास अटक केली आहे. अधिक तपास उपनिरीक्षक संदेश पाडवी करीत आहेत.
