नाशिक (इंडिया दर्पण वृत्तसेवा) – मंदिरातील देवी मुर्तीवरील सुमारे ९० हजाराचे सोन्याचे मंगळसुत्र भामट्यांनी चोरून नेले. ही घटना जेलरोड येथील दुर्गा माता मंदिरात घडली. याप्रकरणी उपनगर पोलीस ठाण्यात चोरीचा गुन्हा दाखल करण्यात आला आहे.
हेमराज एकनाथ चौधरी (रा.धनराजनगर,दुर्गा माता मंदिररोड ना.रोड) यांनी फिर्याद दिली आहे. चौधरी दुर्गा माता मंदिरात नियमीत सेवा करतात. गुरूवारी (दि.२२) नेहमीप्रमाणे ते मंदिरात गेले असता चोरीचा हा प्रकार समोर आला.
अज्ञात चोरट्याने मंदिरातील दुर्गा मातेच्या मुर्तीवर घातलेली सुमारे ९० हजार रूपये किमतीची सोन्याचे मंगळसुत्र चोरून नेले. अधिक तपास उपनिरीक्षक गोसावी करीत आहेत.
पांढर्लीरोडवरील साई बाबा मंदिरातरही चोरी
नाशिक (इंडिया दर्पण वृत्तसेवा) –मंदिराचा कडीकोयंडा तोडून चोरट्यांनी एम्प्लीफायर चोरून नेल्याची घटना भगूर येथील पांढर्लीरोडवरील साई बाबा मंदिरात घडली. या घटनेत भाट्यांनी सीसीटिव्ही यंत्रणेसह इलेक्ट्रीक उपकरणांची वायरींग तोडून नुकसान केले असून याप्रकरणी देवळाली कॅम्प पोलीस ठाण्यात गुन्हा दाखल करण्यात आला आहे.
प्रकाश भगतसिंग लकारिया (रा.वंजारगल्ली,भगूर ता.जि.नाशिक) यांनी याबाबत फिर्याद दिली आहे. भगूर पांढुर्लीरोडच्या कडेला असलेल्या श्री साई बाबा मंदिरात गुरूवारी (दि.२२) रात्री ही घटना घडली. मध्यरात्री अज्ञात चोरट्यांनी मंदिराच्या दरवाजाचा कडीकोयंडा तोडून तसेच इलेक्ट्रीक उपकरणांची व सीसीटिव्ही यंत्रणेची वायरींग कापून मदिरातील सुमारे पाच हजार रूपये किमतीचा एम्प्लीफायर चोरून नेला. अधिक तपास उपनिरीक्षक देवरे करीत आहेत.
