नाशिक (इंडिया दर्पण वृत्तसेवा)– बसमधून उतरत असतांना भामट्यांनी महिलेच्या गळ्यातील सुमारे दीड लाख रूपये किमतीची सोन्याची पोत हातोहात लांबविल्याची घटना मेळा बसस्थानकात घडली.
याप्रकरणी सरकारवाडा पोलीस ठाण्यात चोरीचा गुन्हा दाखल करण्यात आला आहे.चारूशिला राहूल गुंजाळ (रा.मुरारीनगर,कामटवाडा) यांनी याबाबत फिर्याद दिली आहे. गुंजाळ या आपल्या लहान मुलास घेवून बाहेरगावी गेल्या होत्या. मंगळवारी (दि.२०) दुपारी त्या मेळा बसस्थानकात दोंडाईचा नाशिक या बसमधून उतरत असतांना ही घटना घडली.
मुलास घेवून त्या बसमधून खाली उतरत असतांना गर्दीची संधी साधत भामट्याने त्यांच्या गळयातील ४२ ग्रॅम वजनाची व सुमारे १ लाख ६८ हजार रूपये किमतीची सोन्याची पोत हातोहात लांबविली. अधिक तपास हवालदार माळोदे करीत आहेत.
चारचाकीची काच फोडून २० हजाराच प्रोजेक्टर चोरला
नाशिक (इंडिया दर्पण वृत्तसेवा)- पार्क केलेल्या चारचाकीची काच फोडून भामट्यांनी सुमारे २० हजार रूपये किमतीचा प्रोजेक्टर चोरून नेला. ही घटना सीटी सेंटर मॉल भागात घडली. याप्रकरणी गंगापूर पोलीस ठाण्यात चोरीचा गुन्हा दाखल करण्यात आला आहे.
अखिलदत्त गुलाबराव शिंदे (रा.एकदंत प्राईड,अमृतधाम) यांनी याबाबत फिर्याद दिली आहे. शिंदे रविवारी (दि.१८) सीटीसेंटर मॉल भागात गेले होते. मॉल बाहेरील द फायू एलीमेंट हॉटेल समोर त्यांनी आपले बोलेरो वाहन पार्क केले असता ही घटना घडली. अज्ञात चोरट्यांनी बोलेरो वाहनाची काच फोडून बॉक्स मध्ये असलेला सुमारे वीस हजार रूपये किमतीचा प्रोजेक्टर चोरून नेला. अघिक तपास हवालदार पगार करीत आहेत.
