नाशिक (इंडिया दर्पण वृत्तसेवा)- शहर परिसरात मोटारसायकल चोरीचे सत्र सुरू असून नुकत्याच वेगवेगळया भागातून दोन दुचाकी चोरट्यांनी चोरून नेल्या. याबाबत पंचवटी व आडगाव पोलीस ठाण्यात नोंदी करण्यात आल्या आहेत.
दत्तनगर येथील ग्लीस्टन निथुन डिसुजा (रा.गोकुळधाम अपा.जाणता राजा कॉलनी) यांची पल्सर केए २० इबी ७४७६ गुरूवारी (दि.१५) रात्री त्यांच्या सोसायटीच्या पार्र्र्किंगमध्ये लावलेली असतांना ती चोरट्यांनी चोरून नेली. याबाबत पंचवटी पोलीस ठाण्यात गुन्हा दाखल करण्यात आला असून अधिक तपास हवालदार कुलकर्णी करीत आहेत. दुसरी घटना के.के.वाघ कॉलेज भागात घडली. याबाबत गंगाधर लक्ष्मण गायकवाड (रा.अनिकेत अपा.आनंदवली) यांनी फिर्याद दिली आहे.
गायकवाड बुधवारी (दि.७) दुपारी के.के.वाघ महाविद्यालय परिसरात गेले होते. कॉलेजच्या समोर असलेल्या पार्किंगमध्ये लावलेली त्यांची एमएच १५ एफआर २१९५ मोटारसायकल चोरट्यांनी पळवून नेली. याबाबत आडगाव पोलीस ठाण्यात गुन्हा दाखल करण्यात आला असून अधिक तपास हवालदार राजूळे करीत आहेत.
