नाशिक (इंडिया दर्पण वृत्तसेवा)- सिडको परिसरातील साईबाबानगर भागात झालेल्या घरफोडीत चोरट्यांनी सुमारे १ लाख ४ हजाराच्या ऐवजावर डल्ला मारला. त्यात १२ हजाराच्या रोकडसह सोन्याचांदीच्या दागिण्यांचा समावेश आहे. याप्रकरणी अंबड पोलीस ठाण्यात घरफोडीचा गुन्हा दाखल करण्यात आला आहे.
किरण शशिकांत आहिरे (रा.श्रध्दा सर्व्हीस सेंटर मागे,साईबाबानगर ) यानी याबाबत फिर्याद दिली आहे. आहिरे कुटुंबिय १० ते १४ ऑगष्ट दरम्यान बाहेरगावी गेले असता ही घटना घडली. अज्ञात चोरट्यांनी त्यांच्या बंद घराचा कडीकोयंडा तोडून ही घरफोडी केली.
घरात शिरलेल्या चोरट्यांनी लाकडी कपाटात ठेवलेली १२ हजाराची रोकड व सोन्याचांदीचे दागिणे असा सुमारे १ लाख ४ हजार रूपये किमतीचा ऐवज चोरून नेला. अधिक तपास उपनिरीक्षक किरण शेवाळे करीत आहेत.
