नाशिक (इंडिया दर्पण वृत्तसेवा)- प्रगतीशील नाशिकमध्ये स्वत:चे घर असावे हे प्रत्येकाचे स्वप्न असते.आणि याच स्वप्नाची पूर्तता करण्याची संधी क्रेडाई नाशिक मेट्रोतर्फे १४ ते १८ ऑगस्ट दरम्यान आयोजित नम: नाशिक – प्रॉपर्टीचा महाकुंभ या गृहप्रदर्शनात मिळणार असल्याचे प्रतिपादन क्रेडाई नाशिक मेट्रोचे अध्यक्ष गौरव ठक्कर यांनी केले.ठक्कर डोम येथे होणाऱ्या या प्रॉपर्टी एक्स्पोचा भूमिपूजन समारंभ आज संपन्न झाला.त्यावेळी ते पत्रकारांशी बोलत होते.
ते पुढे म्हणाले भविष्यातील नाशिकसाठीच्या अनेक विकासात्मक योजनांमुळे सर्वांगाने आधीच महत्वपूर्ण असलेल्या नाशिकचे महत्व अजूनच वाढणार आहे .विविध क्षेत्रातील उपलब्ध संधी तसेच राहणीमानाचा दर्जा यासोबतच उत्तम हवामान ,मुबलक पाणी यामुळे नाशिकमध्ये आज केलेली रिअल इस्टेट मधील गुंतवणूक भविष्यात ‘फायदे का सौदा ‘ठरणार असल्याचेही त्यांनी नमूद केले.प्रदर्शनाचे समन्वयक म्हणून ऋषिकेश कोते व नरेंद्र कुलकर्णी जबाबदारी सांभाळत आहेत.
याप्रसंगी प्रदर्शनाचे समन्वयक ऋषिकेश कोते म्हणाले की,या प्रदर्शनामध्ये ८० हून अधिक विकसकांचे ५०० हून अधिक पर्याय उपलब्ध आहेत.यामध्ये शहरातील विविध भागातील फ्लॅट्स, प्लॅाट्स, दुकाने, ऑफिसेस यांचा समावेश आहे. यासोबतच आघाडीच्या गृहकर्ज देणाऱ्या संस्थादेखील प्रदर्शनात सहभागी होत आहेत.
प्रदर्शनाचे समन्वयक नरेंद्र कुलकर्णी म्हणाले की, आगामी कुंभमेळ्याच्या पार्श्वभूमीवर नाशिकमध्ये पायाभूत सुविधांमध्ये बरीचशी सुधारणा होणार असून नाशिक शहराची कनेक्टीव्हिटी देखील वाढणार आहे.रस्ते ,रेल्वे व हवाई सेवेद्वारे याआधीच नाशिक अन्य शहरांशी चांगल्या प्रकारे जोडले गेले आहे. आगामी कुंभमेळ्यामुळे नाशिक हे अधिक प्रभावीपणे देशाशी व जगाशी जोडले जाईल. औद्योगिक ,शैक्षणिक ,धार्मिक व कृषिपूरक उद्योगाच्या अनेक संधी नाशिकमध्ये उपलब्ध असल्याने रोजगार व व्यवसायाच्या अनेक संधी नाशिकमध्ये असल्याचेही त्यांनी नमूद केले.
प्रदर्शन यशस्वी करण्यासाठी क्रेडाई नाशिक मेट्रोचे मानद सचिव तुषार संकलेचा, आयपीपी कृणाल पाटील, उपाध्यक्ष उदय घुगे, अनिल आहेर, अंजन भालोदिया, कोषाध्यक्ष श्रेणिक सुराणा, सहसचिव सचिन बागड, हंसराज देशमुख, एक्सपो कमिटीचे प्रमुख मनोज खिवंसरा, मॅनेजिंग कमिटी सदस्य श्यामकुमार साबळे, अनंत ठाकरे, विजय चव्हाणके, सागर शाह, निशित अटल, सुशील बागड, निरंजन शाह, वृषाली हिरे, दीपाली बिरारी, सहयोगी सदस्य सतीश मोरे, सुशांत गांगुर्डे, अभिषेक महाजन,समीर सोनवणे, मनोज लाडानी, हर्षल हणमंते,भूषण कोठावदे,शिवम पटेल, हिरेन भडजा, मयुरेश चौधरी,ऋषभ तोडरवाल, क्रेडाई युवा विंग समन्वयक आदित्य भातंबरेकर ,सह समन्वयक अजिंक्य नाहर हे विशेष सहकार्य करत आहेत.
