नाशिकच्या निर्बंधांचे आदेश उद्या सायंकाळपर्यंत येणार

विशेष प्रतिनिधी, नाशिक

राज्य सरकारने कोरोना विषाणूचा प्रादुर्भाव पाहता येत्या १५ जूनपर्यंत कोरोना निर्बंध कायम ठेवण्याचा निर्णय घेतला आहे. मात्र, ज्या जिल्ह्यात पॉझिटिव्हिटी रेट १० टक्क्यांपेक्षा कमी आहे तेथे कोरोना निर्बंध शिथील करण्यास परवानगी दिली आहे. त्यानुसार नाशिकचा हा दर १० टक्क्यांपेक्षा कमी आहे. त्यामुळे यासंदर्भातील निर्णय उद्या (३१ मे) सायंकाळपर्यंत जाहिर केला जाणार आहे. तशी माहिती जिल्हाधिकारी सूरज मांढरे यांनी दिली आहेय

—

नाशिक जिल्ह्यातील पॉझिटिव्हिटी रेट ८.११ % आहे व ऑक्सिजन बेड ४० टक्केपेक्षा कमी वापरात असल्यामुळे आपला जिल्हा निर्बंध शिथिल करण्यासाठी पात्र आहे. परंतु एकंदरीत सर्वसाधारण परिस्थिती पाहून नेमके कोणते निर्बंध शिथिल करायचे व किती प्रमाणात शिथिल करायचे याबाबत जिल्हा आपत्ती व्यवस्थापन प्राधिकरणाची बैठक उद्या घेऊन त्यात विचार करून सविस्तर आदेश उद्या सायंकाळपर्यंत काढले जातील.

– सूरज मांढरे, जिल्हाधिकारी, नाशिक