नाशिक (इंडिया दर्पण वृत्तसेवा)– आज दाढेगाव पाथर्डी रोडवरील नरपत सिंग कांतीलाल गावित खून खटल्याचा निकाल लागला असून जिल्हा न्यायाधीश आर.आर राठी यांच्या न्यायालयाने मुख्य आरोपी विठ्ठल मोहन गव्हाणे यास भा. द. वि कलम ३०२ नुसार जन्मठेपेची शिक्षा सुनावली तसेच २५ हजार रुपयांचा दंड ठोठावला.
सदरची घटना ही ६ डिसेंबर २०१९ रोजी सकाळी साडेआठच्या दरम्यान दाढेगाव रोडवर पाथर्डी गाव नाशिक येथे घडली होती सदर घटनेतील आरोपी विठ्ठल मोहन गव्हाणे यांनी त्याची पत्नी सुनीता विठ्ठल गव्हाणे व मयत नरपतसिंग गावित यांचे अनैतिक संबंध असल्याचा संशयावरून आरोपी विठ्ठल गव्हाणे यांनी रागाच्या भरात मयत नरपत सिंग गावित याचे वर धारदार लोखंडी कोयत्याने डोक्यावर हातावर पाठीवर मानेवर एकूण ४२ वार करून मयतास गंभीर दुखापत करून डाव्या हाताचे मनगटापासून पंजा तोडून जिवे ठार मारले होते.
सदर खटल्यात फितूर झालेल्या साक्षीदारांवरही सीआरपीसी चे कलम ३४४ प्रमाणे कारवाई करण्याचे आदेश न्यायालयाने दिले. या खटल्यात जिल्हा सरकारी वकील अजय मिसर यांनी महत्त्वाचे साक्षीदार तपासले तसेच विशेष सरकारी वकील पंकज चंद्रकोर यांनी सदर खटल्यात एकूण १५ साक्षीदार तपासून प्रभावी पणे काम करीत मयत व्यक्ती व त्याचे कुटुंबास न्याय मिळवून दिला.
