नाशिक (इंडिया दर्पण वृत्तसेवा) – वित्तीय वर्षाचे शासनाचे आर्थिक व्यवहार पूर्ण करण्यासाठी पुरेसा अवधी मिळणे आवश्यक आहे. त्यासाठी भारतीय स्टेट बँकेची कोषागार शाखा, नाशिक रोड व देवळाली कॅम्प शाखा तसेच तालुकास्तरीय बँक शाखा शुक्रवार 31 मार्च 2023 रोजी रात्री 12 वाजेपर्यंत सुरू ठेवण्याचे आदेश जिल्हाधिकारी गंगाथरन डी. यांनी पारीत केले आहेत.
शासनाकडून विविध शासकीय विभाग व कार्यालयांना वित्तीय वर्ष अखेरच्या दिवशी उशिरापर्यंत प्राप्त झालेले अनुदान खर्ची टाकून जिल्हा कोषागार व तालुका उपकोषागार कार्यालयाकडून वितरीत होणारे देयके व धनादेश स्टेट बँकेत वटवून रक्कम काढणे व शासनाकडे महसुली उत्पन्नाच्या रकमा भरणा करण्यासाठी पुरेसा अवधी मिळणे आवश्यक आहे. त्याअनुषंगाने वर नमुद स्टेट बँक शाखांसह जिल्ह्यातील तालुका मुख्यालयाच्या ठिकाणी असलेली स्टेट बँकेची शाखा, सुरगाणा तालुक्यातील देना बँक व शासकीय व्यवहार हातळणाऱ्या अन्य बँक शााखा व कार्यालये 31 मार्च रोजी उशिरा रात्री 12 वाजेपर्यंत सुरू राहणार आहेत.
Nashik Collector Order State Bank of India Branches Order
