नाशिक (इंडिया दर्पण वृत्तसेवा) – नाशिक शहर पोलीस आयुक्तालयाच्या हद्दीतील अल्पवयीन मुले, मुली तसेच महिलांना अडीअडचणीच्या प्रसंगी पोलीसांची मदत मिळण्यासाठी ‘निर्भया हेल्पलाइन’ पोलीस प्रशासनामार्फत कार्यान्वित करण्यात आली आहे. त्याचप्रमाणे ज्येष्ठ नागरिकांच्या तक्रारींचे निरसन करून त्यांना तत्काळ मदत उपलब्ध होण्यासाठी देखील हेल्पलाइन कार्यान्वित करण्यात आली असल्याचे नाशिक शहर नियंत्रण कक्षाचे वरिष्ठ पोलीस निरीक्षक नंदन बगाडे यांनी कळविले आहे.
अल्पवयीन मुले/ मुली तसेच महिलांना फोन, मॅसेज, सोशल मीडियाचा वापर करून किंवा प्रत्यक्षात मुली व महिलांची छेड काढली जाते. अशा प्रसंगी मुली व महिलांना विनाविलंब पोलीसांची मदत उपलब्ध होण्याच्या दृष्टिने निर्भया हेल्पलाइन कार्यान्वित करण्यात आली आहे, असे श्री. बगाडे यांनी सांगितले आहे.
हे आहेत हेल्पलाइन क्रमांक…
निर्भया हेल्पलाइन : 2305243/1091
ज्येष्ठ नागरीक हेल्पलाइन : 2317227/1090
