नाशिक (इंडिया दर्पण वृत्तसेवा) – नाशिक महापालिकेने पाणी पुरवठ्याशी संबंधित महत्त्वाची माहिती दिली आहे. पंचवटी विभागाअंतर्गत पंचवटी जलशुध्दीकरण केंद्र येथील म्हसरुळ आणि बोरगड जलकुंभास पाणीपुरवठा केली जातो. ही उर्ध्व जलवाहिनी पंचवटी जलशुध्दीकरण केंद्र आवारात लिकेज झाली आहे. त्यामुळे सदरचे काम तातडीने हाती घेतले जाणार आहे. सदर उर्ध्ववाहीनीचे दुरुस्ती करणेचे काम येत्या बुधवारी (२३ फेब्रुवारी) रोजी हाती घेण्यात येणार आहे. त्यामुळे म्हसरुळ आणि बोरगड जलकुंभावरुन होणारा पाणी पुरवठा बाधित होणार आहे. त्यात प्रभाग क्र.1 मधील ओंकारनगर, वृंदावननगर, प्रभातनगर, दिंडोरी रोड राणा हॉटेलपर्यंत, म्हसरुळ मखमलाबाद लिंकरोडवरील पूर्ण परिसर, ओमनगर, गणेशनगर, स्नेहनगर, गुलमोहरनगर, शनिमंदिर परिसर, म्हसरुळ गावठाण, संभाजीनगर, बोरगड आश्रमशाळेजवळील परिसर, आदर्शनगर, एकतानगर, प्रभातनगर परिसर, पेठरोड, जकातनाका, वेदनगरी, उज्ज्वलनगर इ. तसेच प्र.क्र. 6 मधील कल्याणी व राजेय सोसा, मेहेरधाम, गॅसगोडावून, इंद्रप्रस्थ सोसायटी, पेठरोड, जकातनाका परिसर, नमन हॉटेल परिसर, संत सावतानगर, डीटीपीनगर इत्यादी परिसराचा समावेश आहे. बुधवारचा रोजीचा सकाळचा, दुपारचा व सायंकाळचा पाणी पुरवठा होणार नाही. तसेच, गुरुवारी सकाळचा पाणीपुरवठा कमी दाबाने होईल, असे मनपा पाणीपुरवठा विभागाने सांगितले आहे.
