नाशिक (इंडिया दर्पण वृत्तसेवा) – अशोकस्तंभ ते रविवार कारंजा दरम्यानच्या मार्गावर भरधाव दुचाकी घसरल्याने १७ वर्षीय तरुणाचा मृत्यू झाला आहे. ओम प्रकाश बुरकुल (रा. अनमोल पार्क, पुष्पकनगर, विठ्ठल मंगल कार्यालयाजवळ, जेलरोड) असे मृत युवकाचे नाव आहे.
याप्रकरणी सरकारवाडा पोलिस ठाण्यात मृत्यूची नोंद करण्यात आली आहे. ओम बुरकुल सोमवारी सकाळी साडे दहा वाजेच्या सुमारास एमएच १७ बीए ५२८४ या अ‍ॅक्टीव्हावर रॉंगसाईडने प्रवास करीत होता. त्याचवेळी हा अपघात झाला. रविवार कारंजा कडून अशोक स्तंभाच्या दिशेने रॉंगसाईड भरधाव जात असतांना उषा ट्रेंडिग या दुकानासमोर भरधाव दुचाकी घसरली. या अपघातात ओम गंभीर जखमी झाला. ओमचे मामा संतोष खाडे यांनी त्यास तात्काळ जिल्हा रूग्णालयात दाखल केले असता वैद्यकीय सूत्रांनी त्यास मृत घोषित केले.
