नाशिक बिझीनेस असोसिएशनच्या अध्यक्षपदी मधुरा कुंभेजकर तर सेक्रेटरीपदी संदिप पाटील

नाशिकः  नाशिक बिझीनेस असोसिएशनचा नूतन कार्यकारिणीचा पदग्रहण सोहळा नुकताच हॉटेल ऑस्पिसिया  येथे पार पडला. नूतन अध्यक्षपदी मधुरा कुंभेजकर, उपाध्यक्षपदी भूषण महाजन, सेक्रेटरीपदी संदिप पाटील व खजिनदारपदी अमित कोटकर, सह सेक्रेटरी पदी अनिकेत बागडे यांची निवड करण्यात आली.

कार्यकारिणीमध्ये समीर मुळे, आर्की. दीप भागवत, निखिल ब्राह्मणकर, बाळासाहेब आंब्रे, नितीन बेळे, संदिप सोनवणे, विजय दीक्षित, हितेश कारिया, आनंद सूर्यवंशी, उमेश शिंदे, डॉ. मितेश पारिख, डॉ. योगेश घोंगडे, आदित्य कडलग, नितीन राका यांची निवड करण्यात आली.

या प्रसंगी विश्वस्त डी जे धामणे, रवींद्र आवळे, दिनेश शर्मा, संदीप सोनवणे, उन्मेश  देशमुख यांची भाषणे झाली. कोविड  काळात प्लाझ्मा डोनेशन साठी कार्य करणारे उमेश शिंदे सह सर्व कमिटीचा सत्कार करण्यात आला.
एनबीएच्या विविध उपक्रमांद्वारे रेफरन्स माध्यमातून सदस्यांना विविध औद्योगिक क्षेत्राशी जोडून नाशिक मधील व्यवसाय वाढीसाठी प्रयत्नशील राहणार असल्याचे अध्यक्षा मधुरा कुंभेजकर यांनी याप्रसंगी सांगितले.