नाशिक – लग्न समारंभांना शनिवारी व रविवारी परवानगी मिळावी, अशी आग्रही मागणी नाशिक मंगल कार्यालय, लॉन्स व हॉल असोसिएशनने पालकमंत्री छगन भुजबळ यांच्याकडे केली आहे. यासंदर्भात असोसिएनने पालकमंत्र्यांना निवेदन दिले आहे.
निवेदनात म्हटले आहे की, १६ जून ते १३ जुलैपर्यंत १० विवाह मुहूर्त आहेत. त्यातील ४ विवाह मुहूर्त हे शनिवार व रविवारचे आहे. त्यामुळे या मुहूर्तावर लग्न असणा-यां पुढे विवाह ढकलण्याशिवाय पर्याय राहिलेला नाही. पुढील शुभकार्य सुध्दा नोव्हेंबरच्या शेवटच्या आठवड्यापासून सुरु होणार आहे. तसेच नोकरदार वर्गाचे परिवाराचे घरातील लग्नकार्य हे शनिवारी व रविवारी करण्याचा कल असतो. आता फक्त पुढील १५० दिवसात फक्त १२ ते १४ दिवस लग्नकार्य चालणार आहेत. अन्य दिवशी मंगल कार्यालय बंदच राहतील. त्यामुळे शनिवार व रविवारी लग्न समारंभांना परवानगी द्यावी अशी विनंती निवेदनाद्वारे करण्यात आली आहे.
जिल्ह्यात कोरोना रुग्ण संख्या घटत आहे. त्यामुळे या निर्णयाबाबत सकारात्मक विचार करुन अटी व शर्थींसह परवानगी द्यावी, असे निवेदनात नमूद करण्यात आले आहे. असोसिएशनचे अध्यक्ष सुनील चोपडा, कार्याध्यक्ष संदीप काकड, सेंक्रेटरी शंकरराव पिंगळे, सहसेंक्रेटरी समाधान जेजुरकर, प्रवीण कमले आदी यावेळी उपस्थित होते.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
