नाशिक (इंडिया दर्पण वृत्तसेवा) – वडाळा शिवारातील खोडेनगर भागात मोबाईलवर अश्लिल संवाद साधत परिचीताने महिलेचा विनयभंग केल्याची घटना घडली. संशयिताचा अतिरेक वाढल्याने महिलेने पोलिसात धाव घेतली असून याप्रकरणी मुंबईनाका पोलिस ठाण्यात विनयभंगाचा गुन्हा दाखल करण्यात आला आहे. राजन सुर्यभान सोनवणे (माळी) असे संशयिताचे नाव आहे. याप्रकरणी पीडितेने दिलेल्या तक्रारीनुसार संशयिताने महिलेचा मोबाईल नंबर मिळवित या ना त्या कारणाने संपर्क साधत तिचा पाठलाग केला. प्रारंभी महिलेने त्यास प्रतिसाद दिला. मात्र गेल्या शुक्रवारी (दि.१८) संशयिताने संपर्क साधत अश्लिल वर्तन केल्याने महिलेने पोलिसात धाव घेतली असून अधिक तपास उपनिरीक्षक बाळू गिते करीत आहेत.
जुन्या भांडणाची कुरापत टोळक्याने युवकावर केला प्राणघातक हल्ला
देवळालीगावात जुन्या भांडणाची कुरापत काढून तीन जणांच्या टोळक्याने युवकावर प्राणघातक हल्ला केल्याची घटना घडली. या घटनेत लाकडी दांडका आणि काही तरी धारदार हत्याराने बेदम मारहाण करण्यात आल्याने तरूण गंभीर जखमी झाला असून याप्रकरणी उपनगर पोलिस ठाण्यात जीवे मारण्याचा प्रयत्न केल्याप्रकरणी गुन्हा दाखल करण्यात आला आहे.
बबलू रामदर यादव,पियूष शिंदे व एक अनोळखी व्यक्ती अशी तरूणास मारहाण करणा-या संशयित त्रिकुटाचे नाव आहे. याप्रकरणी संदिप अलोक लाल (२५ रा.इंद्रविकास नगर,देवळालीगाव राजवाडा) या युवकाने तक्रार दाखल केली आहे. संदिप लाल हा युवक रविवारी (दि.२७) रात्री सुंदरनगर भागातून पायी आपल्या घराकडे जात असतांना संशयित टोळक्याने त्यास अडविले. यावेळी संतप्त संशयितांनी जुन्या भांडणाची कुरापत काढून त्यास शिवीगाळ व दमदाटी करीत बेदम मारहाण केली. या मारहाणीत लाकडी दांड्याचा व काही तरी धार हत्याराचा वापर करण्यात आल्याने तो जखमी झाला असून अधिक तपास उपनिरीक्षक विशाल सपकाळे करीत आहेत.
Nashik City Crime Police Theft dacoity murder suicide fight beaten
women molestation
