नाशिकरोड (इंडिया दर्पण वृत्तसेवा) – जयभावानी रोड वरील माणिक नगर येथे दोन अॅक्टीव्हासह चारचाकी वाहनांची तोडफोड करणा-या आरोपीला उपनगर पोलिसांनी काही तासातच ताब्यात घेतले. जुन्या भांडणाचा राग मनात धरून ही तोडफोड त्याने केली होती. या घटनेनंतर उपनगर पोलीस ठाण्यात निलेश ज्ञानेश्वर भोई यांनी फिर्याद दिली होती. त्यांनी दिलेल्या तक्रारीत म्हटले आहे की, संशयित हर्षद उर्फ बाळा गोविंद पवार (वय २०) याने रात्रीच्या सुमारास कदम लॉन्स जवळील दुकानाजवळ ४ गाड्यांवर दगड मारून काचा फोडून नुकसान केले.
या घटनेची माहिती उपनगर पोलिसांना समजताच पोलीस उपायुक्त मोनिका राऊत, सहाय्यक पोलीस आयुक्त आनंदा वाघ,वरिष्ठ पोलीस निरीक्षक विजय पगारे यांच्या मार्गदर्शनाखाली गुन्हे शोध पथकाचे सहाय्यक पोलीस निरीक्षक सचिन चौधरी, पोलीस हवालदार विनोद लखन, अनिल शिंदे, जयंत शिंदे, सुरज गवळी, पंकज कर्पे यांनी काही तासात संशयीतास ताब्यात घेतले.
Nashik City Crime Police Theft dacoity murder suicide fight beaten
nashik city crime Vehicle Vandalized
