नाशिक (इंडिया दर्पण वृत्तसेवा) – शहर परिसरात वेगवेगळया भागात पार्क केलेल्या कारसह व दोन मोटारसायकली चोरट्यांनी चोरून नेल्या. याप्रकरणी गंगापूर, अंबड आणि उपनगर पोलिस ठाण्यात गुन्हे दाखल करण्यात आले आहेत. पहिल्या घटनेत उमाकांत रमेश जोशी (रा.श्रीरामनगर,बोरगड) हे गेल्या बुधवारी (दि.१६) नाशिकरोड परिसरातील शिखरेवाडी भागात गेले होते. गंधर्वनगरी येथील दुर्वांकुर सोसायटी त्यांनी आपली दुचाकी एमएच १५ बीव्ही ९१३१ पार्क केली असता ती चोरट्यांनी पळवून नेली. याप्रकरणी उपनगर पोलिस ठाण्यात गुह्याची नोद करण्यात आली असून अधिक तपास उपनिरीक्षक गोसावी करीत आहेत.
दुस-या घटनेत महात्मानगर येथील मंजूषा मेघनाद भावे (रा.सह्याद्री सोसा.बंजारा हॉटेल मागे) यांची मारूती झेन कार एमएच १५ बीडी ०४८० गेल्या शनिवारी (दि.१९) रात्री त्यांच्या सोसायटीच्या पार्किंगमध्ये लावलेली असतांना चोरट्यांनी ती पळवून नेली. याप्रकरणी गंगापूर पोलिस ठाण्यात गुह्याची नोंद करण्यात आली असून अधिक तपास पोलिस नाईक मोरे करीत आहेत.
तिसरी घटना सिडकोत घडली. संतोष पांडूरंग जाधव (रा.एकता चौक,उत्तमनगर) यांची प्लेझर दुचाकी एमएच १५ सीपी ८३८३ सोमवारी (दि.२१) दुपारच्या सुमारास त्यांच्या घरासमोर पार्क केलेली असतांना ती चोरट्यांनी चोरून नेली. याप्रकरणी अंबड पोलिस ठाण्यात गुह्याची नोंद करण्यात आली असून अधिक तपास पोलिस नाईक अतुल बनतोडे करीत आहेत.
Nashik City Crime Police Theft dacoity murder suicide fight beaten
