नाशिक (इंडिया दर्पण वृत्तसेवा) – शहरात शुक्रवारी वेगवेगळया भागात राहणा-या दोन तरूणांनी आत्महत्या केल्याची घटना घडली आहे. दोघांच्याही आत्महत्येचे कारण समजू शकले नाही. याप्रकरणी देवळाली कॅम्प व उपनगर पोलिस ठाण्यात मृत्यूच्या नोंदी करण्यात आल्या आहेत.
पहिली घटना देवळाली गावात घडली. सचिन बाबूराव शिंदे (२२ रा. वरची गल्ली,बाबू गेणूरोड) या तरूणाने शुक्रवारी सायंकाळच्या सुमारास अज्ञात कारणातून आपल्या राहत्या घरात लाकडी अडगईला साडी बांधून गळफास लावून घेतला होता. ही बाब निदर्शनास येताच भाऊ सिध्दार्थ शिंदे यांनी त्यास तात्काळ बिटको रूग्णालयात दाखल केले असता डॉ. हेमंत काळे यांनी त्यास मृत घोषीत केले. याबाबत उपनगर पोलिस ठाण्यात मृत्यूची नोंद करण्यात आली असून अधिक तपास जमादार सातभाई करीत आहेत.
दुस-या घटनेत देवळाली कॅम्प येथील सौरभ विकास मोरे (२५ रा.स्टेशनवाडी) या युवकाने शुक्रवारी अज्ञात कारणातून आपल्या राहते घरात गळफास लावून घेतला. ही बाब निदर्शनास येताच नातेवाईक गिरीश मोरे यांनी त्यास तात्काळ परिसरातील कॅन्टोमेंट रूग्णालयात औषधपचारा साठी दाखल केले असता वैद्यकीय सुत्रांनी उपचारापूर्वी मृत घोषीत केले. याबाबत देवळाली कॅम्प पोलिस ठाण्यात मृत्यूची नोंद करण्यात आली असून अधिक तपास हवालदार गि-हे करीत आहेत.
Nashik City Crime Police Theft dacoity murder suicide fight beaten
Nashik City Crime Two Youths Suicide Death
