नाशिक (इंडिया दर्पण वृत्तसेवा)– शहर परिसरात वेगवेगळया भागात राहणा-या तीन जणांनी आत्महत्या केली. त्यातील एकाने विषारी औषध सेवन करून तर दोघांनी गळफास लावून आपले जीवन संपविले. तिघांच्याही आत्महत्येचे कारण स्पष्ट होवू शकले नाही. याप्रकरणी अंबड नाशिकरोड आणि इंदिरानगर पोलिस ठाण्यात मृत्यूची नोंद करण्यात आली आहे.
पहिल्या घटनेत पाथर्डी फाटा भागातील सुनिल विश्वासराव पाटील (५२ रा.सिध्दीविनायक पार्क एकता ग्रीन व्हिला जवळ,पाथर्डी फाटा) यांनी गेल्या गुरूवारी (दि.१७) अज्ञात कारणातून आपल्या राहत्या घरी विषारी औषध सेवन केले होते. मुलगी राणू पाटील यांनी त्यांना तातडीने नजीकच्या वक्रतुंड हॉस्पिटल येथे प्रथमोपचार करून अधिक उपचारार्थ जिल्हा रूग्णालयात दाखल केले असता रविवारी (दि.२०) त्यांचा उपचार सुरू असतांना मृत्यू झाला. याबाबत इंदिरानगर पोलिस ठाण्यात मृत्यूची नोंद करण्यात आली असून अधिक तपास हवालदार डोळस करीत आहेत.
दुस-या घटनेत सिडकोतील प्रविण विनायक पाटील (४० रा.सिंहस्थनगर) यांनी सोमवारी सकाळच्या सुमारास अज्ञात कारणातून आपल्या राहत्या घरातील किचनमध्ये लोखंडी हुकाला दोरी बांधून गळफास लावून घेतला होता. ही बाब निदर्शनास येताच बाळकृष्ण पाटील यांनी त्यांना तातडीने जिल्हा रूग्णालयात दाखल केले असता वैद्यकीय सुत्रांनी मृत घोषीत केले. याप्रकरणी अंबड पोलिस ठाण्यात मृत्यूची नोंद करण्यात आली असून अधिक तपास पोलिस नाईक शिरवले करीत आहेत.
तिसरी घटना जेलरोड भागात घडली. रामदास बहिरू डगळे (५२ रा. श्री विठ्ठल को ऑप सोसा, जुना सायखेडारोड) यांनी सोमवारी दुपारच्या सुमारासच्या अज्ञात कारणातून आपल्या राहत्या घरातील बेडरूममध्ये पंख्याच्या कडीला ओढणी बांधून गळफास लावून घेतला होता. ही बाब निदर्शनास येताच मुलगा कुणाल डगळे याने त्यांना तातडीने जिल्हा रूग्णालयात दाखल केले असता वैद्यकीय सुत्रांनी उपचारापूर्वी मृत घोषीत केले. याबाबत नाशिकरोड पोलिस ठाण्यात मृत्यूची नोंद करण्यात आली असून अधिक तपास पोलिस नाईक कु-हाडे करीत आहेत.
Nashik City Crime Police Theft dacoity murder suicide fight beaten
