नाशिक (इंडिया दर्पण वृत्तसेवा) – शहरात वेगवेगळ्या भागातून दोन दुचाकीची चोरीला गेल्याच्या घटना घडल्या आहे. पहिल्या घटनेत नाशिक रोडला छत्रपती शिवाजी महाहाज पुतळ्यासमोर लावलेली दुचाकीची चोरी झाली. याप्रकरणी नाशिक रोड पोलिस ठाण्यात भूषण दादाजी चव्हाण (वय २९, चेहेडी) यांनी तक्रार दिली आहे. या तक्रारीत सोमवारी रात्रीतून केव्हातरी अज्ञात चोरट्याने सफेद रंगाची अॅक्टीवा चोरुन नेल्याचे सांगण्यात आले.
दुसरी घटनेत आडगाव नाका परिसरातील राठी चाळीतून दुचाकी चोरीला गेल्याची घटना घडली. या चोरीप्रकरणी दिनेश प्रकाशचंद ललवाणी यांनी तक्रार दिली आहे. त्यात म्हटले आहे की, सोमवारी दुपारी सव्वा बाराच्या सुमारास दुचाकी आडगाव नाका भागातील जैन स्थानक भागात लावली असतांना अज्ञात चोरट्याने चोरुन नेली. याप्रकरणी पंचवटी पोलीस ठाण्यात वाहन चोरीचा गुन्हा दाखल करण्यात आला आहे.
सिन्नर-शिर्डी रस्त्यावर लाखोचा गुटखा जप्त
सिन्नर-शिर्डी रस्त्यावर पिंपरवाडी टोल नाक्याजवळ ३० लाख ७८ हजाराचा गुटखा पोलिसांनी जप्त केला आहे. पोलिसांना मिळालेल्या गुप्त माहितीवरून अशोक लेलँड ट्रक क्र एम एच २८ बी बी २४३८ व टोयोटा इनोव्हा एम एच ४६ एल २९९९ ची तपासणी केली असता त्यात ७५ गोण्यामध्ये भरलेला हा सुगंधी पानमसाला मिळाला. या प्रकरणी सलीम खान अफसर खान, अहमद खान रेहमद खान, समीर खान अफसर खान , शेख रेहमान शेख रहीम , अरीफ खान दिलावर खान सर्व रा.ताजनगर अलीमनगर अमरावती यांच्या विरोधात गुन्हा दाखल करण्यात आला आहे. या कारवाईत २० लाखांचे दोन्ही वाहनेही जप्त केली असल्याची माहिती सहाय्यक पोलीस निरीक्षक चेतन लोखंडे यांनी दिली. ही कारवाई सहाय्यक पोलीस निरीक्षक चेतन लोखंडे यांच्या मार्गदर्शनाखाली नाईक देविदास माळी, शेलार, भास्कर जाधव आदींच्या पथकाने केली.
नाशिकरोडला पानटपरी फोडली
पान टपरी फोडून वेगवेगळ्या कंपनीचे १६ हजाराचे सिगारेट पाकीट आणि रोकड चोरट्यांनी लंपास केली. ही घटना नाशिक रोड रेल्वे स्थान परिसरातील भगत हॉटेल जवळ घडली. या चोरी प्रकरणी मोतीम रोहीदुल इस्लाम यांनी तक्रार दिली आहे. याप्रकरणी गुन्हा दाखल करण्यात आला आहे. रविवारी रात्रीतून केव्हातरी टपरीचे कुलूप तोडून त्यातील १६ हजाराचे सिगारेटचे पाकीट लंपास करण्यात आले आहे.
Nashik City Crime Police Theft dacoity murder suicide fight beaten
Gutkha Seized Sinner Vehicle
