नाशिक (इंडिया दर्पण वृत्तसेवा) – घरफोडीत चोरट्यांनी सुमारे पावणे चार लाखाचा ऐवज लंपास केला. पाथर्डी फाटा परिसरातील माऊलीनगर भागात ही घरफोडी झाली. या घरफोडीत रोकडसह सोन्याचांदीचे दागिणे चोरट्यांनी चोरुन नेले. याप्रकरणी शैलेश सुभाष गुंजाळ (रा.ओमकार सदन बंगला,गामणे मळया समोर,माऊलीनगर) यांनी याप्रकरणी तक्रार दाखल केली असून इंदिरानगर पोलिस ठाण्यात घरफोडीचा गुन्हा दाखल करण्यात आला आहे.
गुंजाळ कुटुंबिय गेल्या शनिवारी (दि.५) बाहेरगावी गेले असता ही घटना घडली. अज्ञात चोरट्यांनी त्यांच्या बंद बंगल्याच्या दरवाजाचे कुलूप तोडून ही चोरी केली. घरात शिरलेल्या चोरट्यांनी बेडरूममधील कपाटात ठेवलेली रोकड व सोन्याचांदीचे दागिणे असा सुमारे ३ लाख ८९ हजाराचा ऐवज चोरून नेला. अधिक तपास उपनिरीक्षक उघडे करीत आहेत.
शहरातून दोन मोटारसायकली चोरीला
शहरात दोन मोटारसायकली चोरीला गेल्या असून याप्रकरणी भद्रकाली आणि सातपूर पोलिस ठाण्यात चोरीचे गुन्हे दाखल करण्यात आले आहे. पहिली घटना सातपूर औद्योगीक वसाहतीत घडली. जेलरोड येथील नामदेव सुखदेव भोर (रा.सातभाई नगर,दसक) हे सोमवारी (दि.७) दुपारी औद्योगीक वसाहतीत गेले होते. एसएसआय को ऑप.प्लांटड इस्टेट लि. या कारखाना परिसरात त्यांनी आपली दुचाकी एमएच १५ सीजे ७७९५ पार्क केली असता ती चोरट्यांनी चोरून नेली. याप्रकरणी सातपूर पोलिस ठाण्यात गुन्ह्याची नोंद करण्यात आली असून अधिक तपास हवालदार मुसळे करीत आहेत.
Nashik City Crime Police Theft dacoity murder suicide fight beaten
