नाशिक (इंडिया दर्पण वृत्तसेवा) – सिटीलिंक बसमधून प्रवाशाच्या गळयातील दहा हजार रुपयाची सोनसाखळी चोरट्याने लंपास केली. याप्रकरणी सरकारवाडा पोलिस ठाण्यात चोरीचा गुन्हा दाखल करण्यात आला आहे.
याप्रकरणी प्रवाशाने तक्रार दाखल केली आहे. गुरूवारी प्रवाशी कामानिमित्त शहरात आल्यानंतर ही घटना घडली. रात्रीच्या सुमारास रविवार कारंजा येथून इंदिरानगर येथे जाण्यासाठी सिटीलिंक बसमधून प्रवास करत असतांना सहप्रवाशांनी सोनसाखळी लंपास केली. रविवार कारंजा ते रेडक्रास या दरम्यान गर्दीचा फायदा उचलत अज्ञात चोरट्यांनी ही चोरी केली. या घटनेत गळय़ातील ओमपानचे पॅण्डल असलेली सुमारे दहा हजार रूपये किमतीची सोनसाखळी चोरीला गेली. अधिक तपास हवालदार अहिरे करीत आहेत.
पखालरोडला घरफोडी
भरदिवसा झालेल्या घरफोडीत चोरट्यांनी सुमारे ६६ हजाराच्या ऐवज लंपास केला. पखालरोड भागात ही घरफोडी झाली होती. या घरफोडीत सोन्याचे दागिणे, चांदीचे कॉईन यांचा समावेश आहे. याप्रकरणी फौजिया फैज अहमद सय्यद (रा.रिल्याबल कॉर्नर,रेहनुमानगर) यांनी तक्रार दाखल केली असून मुंबईनाका पोलिस ठाण्यात घरफोडीचा गुन्हा दाखल करण्यात आला आहे. सय्यद कुटुंबिय शुक्रवारी (दि.१) अल्पशा कामानिमित्त घराबाहेर पडले असता ही घटना घडली. अज्ञात चोरट्यांनी त्यांच्या बंद घराचे कुलूप तोडून बेडरूममधील कपाटात ठेवलेले सोन्याचांदीचे दागिणे व चांदीचे कॉईन असा सुमारे ६६ हजार ७०० रूपये किमतीचे अलंकार चोरून नेले. अधिक तपास उपनिरीक्षक सय्यद करीत आहेत.
Nashik City Crime Police Theft dacoity murder suicide fight beaten
