नाशिक (इंडिया दर्पण वृत्तसेवा) – घरफोडीत चोरट्यांनी सुमारे ३१ हजाराच्या ऐवज लंपास केले. सिडकोतील शिवशक्ती चौक भागात झालेल्या या घरफोडीत चोरट्यांनी सोन्याची पोत आणि रोकड चोरुन नेली. याप्रकरणी चेतन लालसिंग राजपूत (रा.नवजीवन स्कूल जवळ शिवशक्तीचौक, त्रिमुर्ती चौक) यांनी तक्रार दाखल केली असून अंबड पोलिस ठाण्यात घरफोडीचा गुन्हा दाखल करण्यात आला आहे.
राजपूत कुटुंबिय गेल्या शुक्रवारी (दि.४) बाहेर गावी गेले असता ही घटना घडली. अज्ञात चोरट्यांनी त्यांच्या बंद घराचे कुलूप तोडून कपाटात ठेवलेली सोन्याची शॉट पोत व रोकड असा ३१ हजाराचा ऐवज चोरून नेला. अधिक तपास पोलिस नाईक महाजन करीत आहेत.
हातातील मोबाईल दुचाकीस्वारांनी हिसकावून नेला
महामार्गावरील गरवारे पॉईट भागात फोनवर बोलत जाणा-या पादचा-याच्या हातातील मोबाईल दुचाकीस्वारांनी हिसकावून नेल्याची घटना घडली. या प्रकरणी अंबड पोलिस ठाण्यात जबरीचोरीचा गुन्हा दाखल करण्यात आला आहे. सागर बाबासाहेब शेळके (३० रा.रेडिसन हॉटेल समोर पाथर्डी फाटा) यांनी याप्रकरणी तक्रार दाखल केली आहे.
शेळके हे सोमवारी (दि.७) गरवारे पॉईंट भागात गेले होते. सायंकाळच्या सुमारास ते सर्व्हीस रोडने आपल्या घराकडे पायी जात असतांना ही घटना घडली. फोनवर बोलत ते रस्त्याने पायी जात असतांना पाठीमागून डबलसिट आलेल्या दुचाकीस्वारांनी त्यांच्या हातातील मोबाईल हिसकावून नेला. अधिक तपास सहाय्यक निरीक्षक मुगले करीत आहेत.
Nashik City Crime Police Theft dacoity murder suicide fight beaten
Mobile Cidco
