नाशिक (इंडिया दर्पण वृत्तसेवा) – बागवानपुरा येथे किरकोळ कारणातून चार जणांच्या टोळक्याने एका तरूणास बेदम मारहाण केली. या घटनेत फायटरचा वापर करण्यात आल्याने तरूण जखमी झाला आहे. याप्रकरणी भद्रकाली पोलिस ठाण्यात गुन्हा दाखल करण्यात आला आहे.
आशपाक बिलाल शेख,आरबाज बिलाल शेख,बिलाल शेख व आज्या नामक युवक अशी तरूणास मारहाण करणा-या संशयीतांची नावे आहेत. याप्रकरणी अरबाज शफिक शेख (२५ रा. काळे चौक,मोठा राजवाडा) या युवकाने तक्रार दाखल केली आहे. अरबाज शेख शुक्रवारी (दि.१) सायंकाळच्या सुमारास बागवानपुरा रिक्षा थांबा भागात गेला असता ही हाणामारी झाली. संशयितांनी अपबाज यास गाठून आमच्या घरात भांडणे लावतो या कारणातून वाद घालत शिवीगाळ केली. यावेळी संतप्त टोळक्याने दमदाटी करीत त्यास बेदम मारहाण केली. या हाणामारी प्रसंगी एकाने हातातील लोंखडी फायटरने मारहाण केल्याने अरबाज जखमी झाला असून,अधिक तपास बाविस्कर करीत आहेत.
घरात शिरून दागिणे लंपास
सिडकोतील शिवशक्ती चौक घरात शिरून चोरट्यांनी ९० हजार रुपयाचे सोन्याच्या दागिणे लंपास केले. याप्रकरणी अंबड पोलिस ठाण्यात चोरीचा गुन्हा दाखल करण्यात आला आहे. नेहा बिमल दुबे (रा. शिवशक्ती चौक) यांनी तक्रार दाखल केली आहे. दुबे कुटुंबिय गेल्या सोमवारी (दि.१७) आपआपल्या कामात व्यस्त असतांना ही घटना घडली. अज्ञात चोरट्याने उघड्या घरात शिरून कपाटात ठेवलेले सुमारे ९० हजार रूपये किमतीचे सोन्याचांदीचे अलंकार चोरून नेले. अधिक तपास पोलिस नाईक संगम करीत आहेत.
