नाशिक (इंडिया दर्पण वृत्तसेवा) – शहरात रविवारी वेगवेगळया भागात राहणा-या तीघांनी आत्महत्या करून आपले जीवन संपविले. त्यात एका अल्पवयीन मुलीसह तरूणाचा समावेश आहे. तिघांच्याही आत्महत्येचे कारण समजू शकले नाही. याप्रकरणी अंबड,नाशिकरोड व देवळाली कॅम्प पोलिस ठाण्यात मृत्यूच्या नोंदी करण्यात आल्या आहेत.
पहिली घटना शिंदे गावात घडली. प्रशांत भानुदास भालेराव (३८ रा.केतन संकुल,शिंदेगाव) यांनी रविवारी अज्ञात कारणातून आपल्या राहत्या घरात छताच्या कडीला दोरी बांधून गळफास लावून घेतला होता. त्यात त्याचा मृत्यू झाला. याबाबत त्याचा भाऊ अमोल भालेराव यांनी दिलेल्या खबरीवरून नाशिकरोड पोलिस ठाण्यात मृत्यूची नोंद करण्यात आली असून अधिक तपास पोलिस नाईक पवार करीत आहेत.
दुसरी घटना लॅमरोड भागात घडली. प्रणव तुषार मुकणे (१८ रा.नागझीरा दर्गा जवळ,ग्रिनऊड सोसा जवळ लॅमरोड) या युवकाने रविवारी आपल्या घरासमोरील बाभळीच्या झाडाला दोरी बांधून गळफास लावून घेतला होता. त्यात त्याचा मृत्यू झाला. त्याच्या आत्महत्येचे कारण समजू शकले नाही. याबाबत विजय मुकणे यांनी दिलेल्या खबरीवरून देवळाली कॅम्प पोलिस ठाण्यात मृत्यूची नोंद करण्यात आली असून अधिक तपास हवालदार आडके करीत आहेत.
तिस-या घटनेत सिडकोतील समिक्षा आसाराम सोनवणे (१५ रा.मनपा शाळेमागे,आनंदनगर) या मुलीने रविवारी अज्ञात कारणातून आपल्या राहत्या घरातील बेडरूममध्ये पंख्याला साडी बांधून गळफास लावून घेतला होता. त्यात तिचा मृत्यू झाला. याबाबत तिची मावशी छाया मोरे यांनी दिलेल्या खबरीवरून अंबड पोलिस ठाण्यात मृत्यूची नोंद करण्यात आली असून अधिक तपास पोलिस नाईक शिरवले करीत आहेत.
Nashik City Crime Police Theft dacoity murder suicide fight beaten
