नाशिक (इंडिया दर्पण वृत्तसेवा) –शहर परिसरात सोमवारी वेगवेगळया भागात राहणा-या तिघांनी आत्महत्या केली. त्यात एका अल्पवयीन मुलासह दोघा तरुणांचा समावेश आहे. तिघांच्याही आत्महत्येचे कारण स्पष्ट होवू शकले नाही. याप्रकरणी म्हसरुळ, इंदिरानगर आणि उपनगर पोलिस ठाण्यात मृत्यूच्या नोंदी करण्यात आल्या आहेत.
पोलिसांनी दिलेल्या माहितीनुसार पहिली घटना जयभवानीरोड भागात घडली. आकाश नाना आवारे (२१ रा. झेवियर्स स्कुलजवळ, जेतवननगर) या युवकाने सोमवारी सायंकाळच्या सुमारास अज्ञात कारणातून आपल्या राहत्या घरातील छताच्या पाईपाला सुती कापड बांधून गळफास लावून घेतला होता. ही बाब निदर्शनास येताच कुटूंबियांनी त्यास तात्काळ जिल्हारूग्णालयात दाखल केले असता वैद्यकीय सुत्रांनी तपासून मृत घोषीत केले. याबाबत उपनगर पोलिस ठाण्यात मृत्यूची नोंद करण्यात आली असून अधिक तपास पोलिस नाईक बोडके करीत आहेत.
दुस-या घटनेत राहुल माणिक खिल्लारे(१६ रा. राजीवनगर झोपडपट्टी, इंदिरानगर) या अल्पवयीन मुलाने सोमवारी सायंकाळच्या सुमारास अज्ञात कारणातून आपल्या राहत्या घरातील पंख्यास दोरी बांधून गळफास लावून घेतला होता. ही बाब निदर्शनास येताच कुटुंबियांनी त्यास तात्काळ जिल्हा रूग्णालयात दाखल केले असता वैद्यकीय सुत्रांनी उपचारापूर्वी मृत घोषीत केले. याबाबत पोलिस नाईक योगेश अहिवळे यांनी दिलेल्या खबरीवरून इंदिरानगर पोलिस ठाण्यात मृत्यूची नोंद करण्यात आली असून अधिक तपास उपनिरीक्षक हादगे करीत आहेत.
तिसरी घटना दिंडोरीरोडवरील वैदूवाडी भागात घडली. अजय सुभाष कांबळे (२१) या युवकाने सोमवारी सकाळी अज्ञात कारणातून आपल्या राहत्या घरातील बाथरूममध्ये लोखंडी अँगलला साडी बांधून गळफास लावून घेतला होता. त्यात त्याचा मृत्यू झाला. याबाबत अनिल दवणे यांनी दिलेल्या खबरीवरून म्हसरूळ पोलिस ठाण्यात मृत्यूची नोंद करण्यात आली असून अधिक तपास हवालदार केशव भोये करीत आहेत.
Nashik City Crime Police Theft dacoity murder suicide fight beaten
