नाशिक (इंडिया दर्पण वृत्तसेवा) – मुंबई-आग्रा महामार्गावरील ट्रॅक्टर शोरूमसमोर भरधाव कारने धडक दिल्याने दुचाकीस्वार ठार झाला. तर एक जण जखमी झाला असून त्याच्यावर उपचार सुरू आहेत. पुखराज आयंदजी प्रजापती (४०, रा. ओझर ता. निफाड) असे मृतदुचाकीस्वाराचे नाव आहे. हिरालाल मोडाराम गुज्जर (रा.सदर) हे गंभीर जखमी आहे. याप्रकरणी आडगाव पोलिस ठाण्यात कारचालकाविरोधात अपघाताची नोंद करण्यात आली आहे.
पोलिस शिपाई मधुकर सानप यांनी दिलेल्या फिर्यादीनुसार प्रजापती व गुज्जर हे दोघे गुरूवारी (दि.२४) रात्री नाशिककडून ओझरच्या दिशेने आपल्या दुचाकीवर डबलसिट प्रवास करीत असतांना हा अपघात झाला. टॅक्टर शोरूम परिसरात पाठीमागून भरधाव येणा-या एमएच ४१ बीएच ८४८४ या थार कारने दुचाकीस धडक दिली. या अपघातात प्रजापती यांचा मृत्यू झाला असून गुज्जर गंभीर जखमी आहेत. अधिक तपास हवालदार एच.डी.देवरे करीत आहेत.
पूर्ववैमनस्यातून जातीवाचक शिवीगाळ करुन तरुणावर सशस्त्र हल्ला
नाशिक (इंडिया दर्पण वृत्तसेवा) – गामणे मळा भागात पूर्ववैमनस्यातून जातीवाचक शिवीगाळ करुन तरुणावर सशस्त्र हल्ला केल्याप्रकरणी पोलिसांनी तीन जणांना अटक केली आहे. याप्रकरणी इंदिरानगर पोलिस ठाण्यात मारहाणीसह अ‍ॅट्रोसिटीचा गुन्हा दाखल करण्यात आला आहे. या घटनेत कुठल्या तरी धारदार शस्त्राने वार करण्यात आल्याने युवक जखमी झाला आहे. साहिल अख्तर शेख (२०),अरबाज आसिफ शेख (२२ रा.दोघे हसन मंजील,कवठेकर वाडी पांडवलेणी जवळ) व नरेश लहू रणपिसे (रा.कवठेकरवाडी,पांडवलेणींजवळ) अशी अटक करण्यात आलेल्या संशयितांची नावे आहेत.
याप्रकरणी निखील उत्तम वाहूळ (२८ रा.एकनाथनगर,वासननगर पाथर्डीफाटा) या युवकाने तक्रार दाखल केली आहे. वाहूळ बुधवारी (दि.२३) रात्री गामणे मळा येथील संतोष गामणे यांच्या मोबाईल दुकानासमोर उभा असतांना ही घटना घडली. संशयित त्रिकुटाने त्यास गाठून पूर्ववैमनस्यातून जातीवाचक शिवीगाळ करीत लाथाबुक्यांनी बेदम मारहाण केली. या घटनेत एकाने धारदार शस्त्राने वार केल्याने तो जखमी झाला असून अधिक तपास उपनिरीक्षक उघडे करीत आहेत.
Nashik City Crime Police Theft dacoity murder suicide fight beaten
