नाशिक (इंडिया दर्पण वृत्तसेवा) – त्र्यंबकरोडवरील पपया नर्सरी भागात भरधाव दुचाकी घसरल्याने ३० वर्षीय तरूणाचा मृत्यू झाला. पंकज रामधारी प्रसाद (रा.मोतकेश्वर नगर,कामटवाडा) असे मृत दुचाकीस्वाराचे नाव आहे. याप्रकरणी सातपूर पोलिस ठाण्यात मृत्यूची नोंद करण्यात आली आहे.
पंकज प्रसाद हा युवक बुधवारी (दि.१६) रात्री आपल्या दुचाकीवर त्र्यंबकेश्वरच्या दिशेने प्रवास करीत असतांना हा अपघात झाला. पपया नर्सरी भागात भरधाव दुचाकी घसरल्याने तो गंभीर जखमी झाला होता. दीपक मोंढे यांनी त्यास तात्काळ जिल्हा रूग्णालयात दाखल केले होते. त्यानंतर पवन प्रसाद यांनी त्यास पुढील उपचारार्थ आडगाव येथील मेडिकल कॉलेज येथे हलविले असता मध्यरात्री त्यास डॉ.संजय मानेकर यांनी उपचार सुरू असतांना मृत घोषीत केले. अधिक तपास हवालदार मुसळे करीत आहेत.
भरधाव चारचाकीने दिलेल्या धडकेत १७ वर्षीय सायकलस्वार ठार
कलानगर कडून वडाळाकडे जाणा-या मार्गावर भरधाव चारचाकीने दिलेल्या धडकेत १७ वर्षीय सायकलस्वार ठार झाला. याप्रकरणी इंदिरानगर पोलिस ठाण्यात वाहन चालकाविरूध्द अपघाताचा गुन्हा दाखल करण्यात आला आहे. पोलिसांनी दिलेल्या माहितीनुसार सागर बाळासाहेब कर्डीले असे संशयित वाहनचालकाचे नाव आहे.
बापू बंगला भागात राहणारा धर्मेश प्रकाश बिशी (१७ रा.पदमा अपा.बापू बंगल्याजवळ) हा युवक गेल्या शुक्रवारी (दि.११) सायकलवर प्रवास करीत असतांना हा अपघात झाला होता. कलानगरकडून वडाळागावाच्या दिशेने तो सायकलने जात असतांना गणेश सिग्निफिया अपार्टमेंट परिसरात भरधाव चारचाकीने सायकलला जोरदार धडक दिली होती. या अपघातात गंभीर जखमी झालेल्या धर्मेश बिशीचा मृत्यू झाला असून पोलिस हवालदार किशोर खरोटे यांनी याबाबत तक्रार दिली आहे. अधिक तपास जमादार साळी करीत आहेत.
Nashik City Crime Police Theft dacoity murder suicide fight beaten
Nashik City Crime Road Accident Death
