नाशिक (इंडिया दर्पण वृत्तसेवा) – लष्करातील जवानाने लग्नाचे आमिष दाखवून एका तरूणीवर बलात्कार केल्याचा प्रकार समोर आला आहे. पोलिसांनी दिलेल्या माहितीनुसार अक्षय गायकवाड (२७ मुळ रा.अमरावती हल्ली पुणे) असे संशयिताचे नाव असून तो लष्करातील सेवेत आहे. याप्रकरणी मुळच्या अकोला येथील २६ वर्षीय पीडित युवतीने तक्रार दाखल केली आहे.
शहरातील वेगवेगळया ठिकाणच्या लॉजिंगमध्ये हा प्रकार घडला असून विवाहास नकार दिल्याने अकोला येथील तरूणीने पोलिसात धाव घेतली आहे. याप्रकरणी सरकारवाडा पोलिस ठाण्यात गुन्हा दाखल करण्यात आला आहे. संशयित आणि पीडिता एकमेकांचे मित्रमैत्रीण आहेत. २०१८ मध्ये युवती नाशिक शहरात खासगी नोकरी करीत असतांना हा प्रकार घडला. या मैत्रीचे रूपांतर प्रेमात झाल्याने संशयिताने तरूणाचे लग्नाचे आमिष दाखवले.
गेल्या पाच ते सहा वर्षांच्या काळात संशयिताने नाशिक गाठून वेळोवेळी मेहर सिग्नल येथील हॉटेल वैशाली आणि ठक्कर बाजार बसस्टॅण्ड परिसरातील सह्याद्री हॉटेल येथे तरूणीस घेवून जात तिच्यावर बलात्कार केला. तरूणीने लग्नाचा तगादा लावल्याने संशयिताने लग्नास नकार देवून बदनामी करण्याची धमकी दिल्याने हा प्रकार पोलीसात पोहचला असून अधिक तपास सहाय्यक निरीक्षक नितीन खैरनार करीत आहेत.
सिडकोत विदेशी सिगारेट साठा जप्त
सिडकोतील बडदेनगर भागात बेकायदा विदेशी सिगारेटचा साठा बाळगणारा तरूण पोलिसांच्या जाळयात अडकला. संशयिताच्या ताब्यातून सुमारे साडे दहा हजार रूपये किमतीचे सिगारेटचे पाकिटे जप्त करण्यात आला आहे. हा बेकायदा साठा कोठून व कसा आणला याबाबत पोलिस शोध घेत असून, याप्रकरणी अंबड पोलिस ठाण्यात गुन्हा दाखल करण्यात आला आहे.
पोलिसांनी दिलेल्या माहितीनुसार सुरज भागवत केंदळे (२० रा.साई किराणा दुकानाच्या वरती बडदेनगर,सिडको) असे संशयिताचे नाव आहे. बडदेनगर येथील भामरे मिसळ समोरील एका टपरीवर बेकायदा विदेशी सिगारेटचा साठा असल्याची माहिती अंबड पोलिसांना मिळाली होती. त्यानुसार गुरूवारी (दि.१०) दुपारी पोलिसांनी छापा टाकला असता टपरीमध्ये १० हजार ५०० रूपये किमतीचे सिगारेट पाकिटे मिळून आले.
या पाकिटांवर केंद्र शासनाने ठरवून दिलेल्या योग्य आकाराचे वैधानिक चित्र व वैधानिक इशारा नव्हता. सदरचा साठा हस्तगत करीत पोलिसांनी संशयिताविरोधात गुन्हा दाखल केला आहे. याबाबत शिपाई संदिप भुरे यांनी तक्रार दाखल केली असून अधिक तपास हवालदार राऊत करीत आहेत.
Nashik City Crime Police Theft dacoity murder suicide fight beaten
Cidco Foreign Cigarate Young Girl Rape
