नाशिक : शहरातील विविध भागातून चार मोटारसायकली चोरट्यांनी चोरून नेल्या आहे. याप्रकरणी मुंबई नाका,गंगापूर,अंबड व उपनगर पोलिस ठाण्यात गुन्हे दाखल करण्यात आले आहेत. पहिली घटना सिडकोतील उपेंद्रनगर भागात घडली. अंबडगावातील दीपक उत्तम मुंडावरे हे मंगळवारी (दि.१२) दुपारी उपेंद्रनगर भागात गेले होते. गणपती मंदिराजवळ पार्क केलेली त्यांची शाईन मोटारसायकल एमएच १५ इक्यू ५१९९ चोरट्यांनी चोरून नेली. याप्रकरणी अंबड पोलिस ठाण्यात गुन्हा दाखल करण्यात आला असून अधिक तपास पोलिस नाईक परदेशी करीत आहेत. तर हितेश बलबीररॉय नैय्यर (५६ रा.स्नेहल पार्क सोसा.निसर्ग उपचार केंद्रासमोर,जयभवानी रोड) यांची ज्युपिटर एमएच १५ जीएच ३८२५ गेल्या शुक्रवारी (दि.८) रात्री त्यांच्या सोसायटीच्या पार्किंगमध्ये लावलेली असतांना चोरट्यांनी चोरून नेली. याप्रकरणी उपनगर पोलिस ठाण्यात गुन्हा दाखल करण्यात आला असून अधिक तपास पोलिस नाईक शेख करीत आहेत. तिस-या घटनेत इंदिरानगर येथे घडली आहे. सुनिल विश्वनाथ कुलकर्णी (रा.वृंदावन कॉलनी) हे गेल्या बुधवारी (दि.६) सायंकाळच्या सुमारास बोधलेनगर भागात गेले होते. क्रोमा शोरूम परिसरातील एसबीआय बँकेशेजारी त्यांनी आपली अ‍ॅक्टीव्हा एमएच १५ डीवाय ७०५४ पार्क केली असता चोरट्यांनी ती चोरून नेली. याप्रकरणी मुंबईनाका पोलिस ठाण्यात गुन्हा दाखल करण्यात आला असून अधिक तपास पोलिस नाईक शिंदे करीत आहेत. चौथी घटना उंटवाडीतील सिटीसेंटर मॉल भागात घडली. प्रकाश अशोक कचरे (रा.गोदावरीनगर,गंगापूरगाव) यांची पल्सर एमएच १५ जीबी ५४८९ मंगळवारी (दि.१२) सिटी सेंटर मॉल पाठीमागील स्टॉफच्या पार्किंगमध्ये लावलेली असतांना चोरट्यांनी ती पळवून नेली. याप्रकरणी गंगापूर पोलिस ठाण्यात गुन्हा दाखल करण्यात आला असून अधिक तपास पोलिस नाईक परदेशी करीत आहेत.
