नाशिक (इंडिया दर्पण वृत्तसेवा) – टाकळीरोडवरील राहूल बाग बसथांबा भागात भरधाव छोटा हत्तीच्या धडकेत ५८ वर्षीय इसम ठार झाल्याची घटना घडली. मनोहर मोरेश्वर कंटक (रा.इंद्रायणी सोसा.समोर जयभवानीनगर,टाकळीरोड) असे अपघातात ठार झालेल्या मृत व्यक्तीचे नाव आहे. याप्रकरणी उपनगर पोलिस ठाण्यात वाहनचालकाविरूध्द गुन्हा दाखल करण्यात आला असून पोलिस पसार झालेल्या छोटा हत्ती चालकाचा शोध घेत आहेत. कंटक रविवारी (दि.८) दुपारच्या सुमारास नाशिकरोड येथे जाण्यासाठी टाकळीरोडवरील राहूल बाग बसथांब्यावर थांबलेले असतांना हा अपघात झाला. बसथांबा भागात ते रस्त्यावर उभे असतांना टाकळीकडून उपनगरच्या दिशेने भरधाव जाणाºया छोटा हत्तीने एमएच १५ बीजे ७४९८ त्याना जोरदार धडक दिली. हा अपघात चालकाचा आपल्या वाहनावरील ताबा सुटल्याने झाला. या अपघातात कंटक यांना मोठी दुखापत झाली होती. अतिरक्तश्रावाने त्यांचा जागीच मृत्यू झाला. संशयित चालक आपल्या वाहनासह पसार झाला असून, याप्रकरणी मृत व्यक्तीचे भाऊ दिनेश कंटक यांनी दिलेल्या तक्रारीवरून अपघाताची नोंद करण्यात आली आहे. अधिक तपास उपनिरीक्षक पाटील करीत आहेत.
भरधाव छोटा हत्तीच्या धडकेत ५८ वर्षीय इसम ठार; वाहनचालकाविरूध्द गुन्हा दाखल
