नाशिक (इंडिया दर्पण वृत्तसेवा) – अमृतधाम भागात फोनवर बोलत रस्त्याने पायी जाणा-या तरूणाच्या हातातील मोबाईल दुचाकीवरील त्रिकुटाने लंपास केल्याची घटना घडली. या चोरीप्रकरणी प्रेम सचिन वैद्य (१८ रा.राम गंगाराम हाऊस,सावतामाळी नगर) या युवकाने तक्रार दाखल केली असून आडगाव पोलिस ठाण्यात जबरीचोरीचा गुन्हा दाखल करण्यात आला आहे. वैद्य शनिवारी (दि.७) रात्री आपल्या घर परिसरात फोनवर बोलत असतांना ही घटना घडली. घराजवळ ते रस्त्याने फोनवर बोलत रस्त्याने पायी जात असतांना स्पोर्टस बाईकवर आलेल्या त्रिकुटापैकी एकाने त्यांच्या हातातील मोबाईल हिसकावून भामट्यांनी पोबारा केला. अधिक तपास सहाय्यक निरीक्षक हेमंत तोडकर करीत आहेत.
