नाशिक (इंडिया दर्पण वृत्तसेवा) – भरदिवसा झालेल्या घरफोडीत चोरट्यांनी सुमारे ३ लाख ३४ हजाराचा ऐवज लंपास केल्याची घटना वडाळारोडवरील जेमसीटी कॉलेज भागात घडली. या घरफोडीत २८ हजाराची रोकड आणि सोन्याचांदीच्या दागिण्यांचा समावेश आहे. याप्रकरणी मुंबईनाका पोलिस ठाण्यात घरफोडीचा गुन्हा दाखल करण्यात आला आहे. जुबेदा सय्यद नवास (रा.फातेमा टॉवर,जेएमसीटी कॉलेज समोर) यांनी तक्रार दाखल केली आहे. नवास कुटुंबिय रविवारी (दि.१) दुपारच्या सुमारास कामानिमित्त घराबाहेर पडले असता ही घरफोडी झाली. अज्ञात चोरट्यांनी त्यांच्या बंद घराचा कडीकोयंडा तोडून बेडरूममधील कपाटातील रोकड व सोन्याचांदीचे दागिणे असा सुमारे ३ लाख ३४ हजाराचा ऐवज चोरून नेला. अधिक तपास उपनिरीक्षक श्रीवंत करीत आहेत.
वडाळारोडवर भरदिवसा घरफोडी; ३ लाख ३४ हजाराचा ऐवज चोरट्यांनी केला लंपास
प्रातिनिधिक फोटो
