३५ लाख रूपये किमतीची फोर्च्युनर कार चोरट्यांनी चोरून नेली
नाशिक :घराच्या पार्किंगमध्ये लावलेली सुमारे ३५ लाख रूपये किमतीची फोर्च्युनर कार चोरट्यांनी चोरून नेली. याप्रकरणी नाशिकरोड पोलिस ठाण्यात गुन्हा दाखल करण्यात आला आहे. पळसे ता.जि.नाशिक येथील पांडूरंग संपत एखंडे (रा.गुप्ता हॉस्पिटल समोर) यांची ३५ लाख रूपये किमतीची फोर्च्युनर कार एमएच १५ जीवाय ७१७१ शुक्रवारी (दि.८) रात्री पळसे येथील इंडिय ऑईल पेट्रोल पंपासमोरील त्रिमुर्ती प्लाझा या इमारतीच्या पार्किंगमध्ये लावली असता चोरट्यांनी ती पळवून नेली. याप्रकरणी नाशिकरोड पोलिस ठाण्यात गुन्हा दाखल करण्यात आला असून अधिक तपास हवालदार शिंदे करीत आहेत. दुसरी घटना सोमेश्वर भागात घडली. इंदिरानगर येथील प्रसाद कृष्णा भावसार (रा.लिली आर्केड, मेट्रो झोन जवळ) यांनी याप्रकरणी तक्रार दाखल केली आहे. भावसार गेल्या २५ जून रोजी दुपारी गंगापूररोड भागातील सोमेश्वर येथे गेले होते. मंदिराच्या पार्किंगमध्ये त्यांनी आपली मोपेड एमएच १५ इव्ही ६२३३ पार्क केली असता ती चोरट्यांनी चोरून नेली. याप्रकरणी गंगापूर पोलिस ठाण्यात गुन्हा दाखल करण्यात आला असून अधिक तपास जमादार झाडे करीत आहेत.
सोनसाखळी दुचाकीस्वार भामट्यांनी ओरबाडून नेली
नाशिक : रस्त्याने फेरफटका मारणा-या महिलेच्या गळय़ातील सोनसाखळी दुचाकीस्वार भामट्यांनी ओरबाडून नेल्याची घटना सिडकोतील अश्विननगर भागात घडली. याप्रकरणी अंबड पोलिस ठाण्यात जबरीचोरीचा गुन्हा दाखल करण्यात आला आहे. दिपाली नंदकिशोर मुरकुटे (३६ रा.संजिवणी बंगला,अश्विननगर) यांनी याप्रकरणी तक्रार दाखल केली आहे. मुरकुटे या शनिवारी (दि.९) रात्री आपल्या परिसरात फेरफटका मारीत असतांना ही घटना घडली. राहत्या बंगल्याजवळून त्या पायी जात असतांना मोपेड दुचाकीवर आलेल्या भामट्यांपैकी एकाने त्यांच्या गळ््यातील सुमारे ४० हजार रूपये किमतीची सोनसाखळी हिसकावून पोबारा केला. अधिक तपास उपनिरीक्षक किरण शेवाळे करीत आहेत.
……..
